अफगानिस्तानको सातौं हार, सेमिफाइनल पुग्ने बंगलादेशको सम्भावना जीवितै

काठमाडौं, असार १० । १२ औं संस्करणको आइसीसी एकदिवसीय विश्वकप क्रिकेटमा आफ्नो सातौ खेलमा अफगानिस्तानलाई हराउँदै बंगलादेशले सेमिफाइनल पुग्ने सम्भावना जिवीतै राखेको छ । सोमबार राति साउथ ह्याम्टनमा सम्पन्न खेलमा अफगानिस्तानलाई ६२ रनले हराउँदै बंगलादेशले सेमिफाइनल पुग्ने सम्भावना जिवीतै राखेको हो । २६३ रनको लक्ष्यका साथ मैदान उत्रिएको अफगानिस्तान ४७ ओभरमा २०० रनमै समेटियो ।

उसका लागि समिउल्लाह सिनवारीले १ छक्का र ३ चौकाको मद्दतमा ५१ बलमा नट आउट ४९ रन बनाए पनि टिमलाई जीत दिलाउन सकेनन् । यस्तै कप्तान गुलबिन्दन नाइबले ४७, नजिबुल्लाह जर्दानले २३, रहमत शाहले २४, अशगर अफगानले २०, हसमुल्लाह शाहिदी, इक्रम अलिखिलले ११–११ रन बनाए । बलिङमा बंगलादेशका शाकिव अल हसनले १० ओभरमा २९ रच खर्चिएर महत्वपूर्ण ५ विकेट लिए । यस्तै मुस्तफिजुर रहमानले २, मोहम्मद सैफउद्दिन र मोसाद्दिक हुसैनले एक–एक विकेट हात पारे ।

याे पनि पढ्नुस  एकदिवसिय विश्वकप क्रिकेटको चौथो स्थानमा पाकिस्तान

टस हारेर ब्याटिङको निम्तो पाएको बंगलादेशले निर्धारित ५० ओभरमा ७ विकेट गुमाएर २६२ रन बनायो । उसका लागि मुस्फिकुर रहिमले उत्कृष्ट प्रदर्शन गरे । उनले १ छक्का र ४ चौकाको मद्दतमा ८७ बलमा ८३ रन बनाए । यस्तै शाकिव अल हसनले ५१, तमिम इकबालले ३६, मोसाद्दिक हुसैनले ३५, लिटन दासले १६, महमदुल्लाहले २७, सौम्य सरकारले ३ र मोहम्मद सैफउद्दिनले नट आउट २ रनको योगदान दिए । बलिङमा अफगानिस्तानका मुजीबउर रहमानले ३, कप्तान गुल्बिन्दन नाइबले २, मोहम्मद नाबी र दउलत जर्दानले एक–एक विकेट लिए ।

याे पनि पढ्नुस  पाकिस्तान भर्सेस बंगलादेशः अफ्रिदि, शाकिव र बाबरले बनाए यस्ता कीर्तिमान

शकिवको तेस्रो अर्धशतक
अफगानिस्तान विरुद्धको खेलमा बंगलादेशका अलराउन्डर शाकिव अल हसनले अर्धशतक बनाएका छन् । उनले १ चौकाको मद्दतमा ६९ बलमा ५१ रन बनाएका हुन् । जारी विश्वकपमा शाकिवको यो तेस्रो अर्धशतक हो । साथै उनले जारी संस्करणमा २ शतक पनि बनाइसकेका छन् । शाकिव सोमबारसम्म सर्बाधिक रन बनाउने सूचीको शीर्ष स्थानमासमेत छन् ।

याे पनि पढ्नुस  विश्वकपः बंगलादेशलाई हराउँदै सेमिफाइनल पुग्ने भारतको लक्ष्य पूरा होला?

बंगलादेशको प्लेइङ ११ः मसरुफे मुर्तुजा (कप्तान), मुश्फिकुर रहीम, शाकिब अल हसन, सौम्य सरकार, तमिम इकबाल, लिटोन दास, महमुदुल्लाह, मोहम्मद सैफउद्दिन, मुस्तफिजुर रहमान,  मेहदी हसन, अबु जायद र मोसदक हुसेन ।

अफगानिस्तानको प्लेइङ ११ः गुल्बिन्दन नाइब (कप्तान), असगर अफगान, नजिबुलाह जर्दान, रहमत शाह, राशिद खान, समिउल्लाह शिनवारी, दवालत जर्दान, मुजिब उर रहमान, हस्मातउल्लाह शाहिदी, मोहम्मद नाबी र इक्रम अलिखिल ।

कमेन्ट गर्नुहोस्