एसईईकाे नतिजा सार्वजनिक गर्न २ बजे बाेर्डकाे बैठक बस्दै

माध्यमिक शिक्षा परीक्षा (एसईई)को नतिजा प्रकाशनको तयारीमा रहेको राष्ट्रिय परीक्षा बोर्डले बिहीबार दिउँसो २ बजे बैठक बोलाएको छ । नतिजा सार्वजनिक गर्नु अगाडि बोर्ड बैठक बस्नु पर्ने प्रावधान छ।राष्ट्रिय परीक्षा बोर्डका अध्यक्ष चन्द्रमणिपौडेलले आज २ बजे बोर्ड बैठक बोलाइएको बताए।

याे पनि पढ्नुस  एसईईको नतिजा आज सार्वजनिक नहुने

नतिजा प्रकाशन गर्ने सबै तयारी पूरा भइसकेको र बोर्डले निर्णय गरे आजै नतिजा प्रकाशन गरिने परीक्षा नियन्त्रक विष्णुप्रसाद अधिकारीले बताए। म‌ंगलबारकाे बोर्डको बैठकले नतिजा  प्रकाशनमा हतार नगर्न सुझाव दिएको थियो।

मुलुकभरबाट यो वर्ष ४ लाख ७५ हजार विद्यार्थी एसईई परीक्षामा सहभागी थिए। चैत १० गतेदेखि एक हजार ९ सय ६९ केन्द्रमा परीक्षा सञ्चालन गरिएको थियो। यसपटक अनिवार्य विषयहरुको प्रश्नपत्र फरकरफरक बनाएर परीक्षा लिइएको हो।

याे पनि पढ्नुस  फर्केर हेर्दा २०७६ः आर्थिक समृद्धिको यात्रामा कोरोना सन्त्रास

नतिजा पनि प्रदेशअनुसार छुट्टाछुट्टै तर एकैपटक सार्वजनिक गर्ने तयारी छ। गतवर्ष असार ९ गते रिजल्ट भएको थियो। यसवर्षको परीक्षामा प्रदेश २ मा प्रश्नपत्र परीक्षा अगावै बाहिरिएर परीक्षा स्थगित हुँदा केही दिन ढिला हुन पुगेको हो।

कमेन्ट गर्नुहोस्