फुलबारीको पञ्चोदयमा पढाई उत्सव

धनगढी, असार १२ । धनगढी उप–महानगरपालिका १४ स्थित पञ्चोदय माध्यमिक विद्यालयमा बिहीबार पढाई उत्सवको आयोजना गरिएको छ ।

राष्ट्रिय प्रारम्भिक कक्षा पढाई कार्यक्रम अन्तरगत पढाई उत्सवको आयोजना गरिएको हो । उत्सवमा बालमैत्री पढाई सामाग्री राखिएका छन् । प्रारम्भिक तहका बालबालिकाहरुलाई खेल तथा अभ्यासका माध्यमबाट सिकाउन थालिएको छ । पढाई उत्सव कार्यक्रमको उद्घाटन गर्दै धनगढी उप–महानगरपालिकाका प्रमुख नृपबहादुर वडले बालबालिकाको मनोविज्ञानलाई बुझेर पठनपाठन गराउने विद्यालयले मात्रै सिकाई उपलब्धी हात पार्न सक्ने बताए ।

याे पनि पढ्नुस  धनगढी प्रिमियर लिगको मिति सर्‍यो

मानसिक दबाबमा राखेर सिकाउन खोजेमा त्यसले बाल मनोविज्ञानमा नकारात्मक प्रभाव पार्न सक्छ नगरप्रमुख वडले भने, त्यसैले धनगढी उप–महानगरपालिकाले विद्यालयका पूर्वाधार देखि शिक्षकहरुलाई वालमैत्री बनाउन यस्ता कार्यक्रमको आयोजना गर्दै लगिरहेको छ ।

धनगढी उप–महानगरपालिका वडा नं १४ का अध्यक्ष रामबजारी चौधरीले कितावी ज्ञानलाई मात्रै सिकाईको रुपमा लिन नहुने बताए । उनले भने, किताबका साथै अतिरिक्त ज्ञान पनि वालबालिकालाई दिनुपर्छ । राष्ट्रिय प्रारम्भिक कक्षा पढाई कार्यक्रमका संयोजक राजेन्द्र रैकाले वालबालिकाहरुको पढाईमा सुधार ल्याउन धनगढी उप–महानगरपालिकाका २२ वटा विद्यालयमा राष्ट्रिय प्ररम्भीक कक्षा पढाई कार्यक्रम संचालन गरिएको बताए ।

याे पनि पढ्नुस  संयुक्त राहत संयन्त्र युएईको पहलमा टिकापुरका बाढीपीडितलाई कर्कटपाता हस्तान्तरण

कमेन्ट गर्नुहोस्