अफगानिस्तानद्वारा पाकिस्तानलाई २२८ रनकाे लक्ष्य, शाहिनले लिए ४ विकेट

 

लण्डन, जारी विश्वकप क्रिकेट अन्तर्गत आज भएको निकै संघर्षपूर्ण खेलमा अफगानिस्तानले नौ विकेटको क्षतिमा पाकिस्तानलाई २२८ रनको लक्ष्य दिएको छ ।

ब्याटिङ शुरु गरेको अफगानिस्तानले शुरु ओभरदेखि आक्रामक खेलेपनि विकेट जोगाउन नसक्दा ठूलो रन अंक बनाउन सकेन ।
पाँचौ ओभरमा शाहिन अफ्रिदीले हस्मुतुल्लाह र गुलाबद्दिन को विकेट लिएपछि अफगानिस्तान दबाबमा आएको थियो । त्यसपछि १२ ओभरमा रहमत शाह पनि आउट भए ।
इमाद वसीमले २, मोहमद अमिरले १, शहीन अफ्रिदीले ४, वहाब रियाजले २ र शदाब खानले १ विकेट लिए ।

अफगानिस्तानका लागि असघर अफगानले ४२, नजिबुल्लाह जद्रानले ४२, रहमत शाहले ३५ रन गुलाबदिन नैबले १५, मोहम्मद नबीले १६ रनको योगदान दिए । यसैगरी रसिद खान ८ रन बनाएर आउट भए । सैमुल्लाह खानले १९ रन बनाए ।पाकिस्तानका बलर सामु टिक्न नसकेपनि अफगानिस्तानले दिएको लक्ष्य पछ्याउन पाकिस्तानलाई पनि सजिलो छैन । अफगानिस्तानका लागि रसिद खान जस्ता बलरले पाकिस्तानी खेलाडीलाई समस्यामा पार्ने देखिन्छ ।

 

आजको खेलमा पाकिस्तान जित्नैपर्ने दबाबमा छ । आजको खेल जितेमा पाकिस्तान शीर्ष चारमा उक्लिने छ ।

विश्वकपमा सहभागिता जनाउनु अघि नौवटा प्रतिद्वन्द्वी मध्ये कम्तीमा दुई वटा टिमलाई हराउने लक्ष्यका साथ इंग्ल्याण्ड आएको अफगानिस्तानले सात खेल खेलिसक्यो । तर उसले एउटा पनि खेल जित्न सकेको छैन ।

न त अफगानिस्तानको कुनै खेलमा वर्षा नै भयो । एक अंक पनि जोड्न नसकेको अफगानिस्तान तालिकाको पुछारमा छ र विश्वकपको सेमिफाइनलमा नपुग्ने निश्चित नै भइसक्यो । यो विश्वकपमा खासै राम्रो खेल्न नसकेको अफगानिस्तानले भारतलाई भने कडा टक्कर दिएको थियो ।

कमेन्ट गर्नुहोस्