विश्वकपः भारतको विस्फोटक ब्याटिङ, रोहित–केएलको अर्धशतक

काठमाडौं, असार १७ । आइसीसी एकदिवसीय विश्वकप क्रिकेट अन्तर्गत बंगालदेश विरुद्धको खेलमा भारतीय टिमका ओपनर केएल राहुलले पनि अर्धशतक बनाएका छन् ।उनले १ छक्का र ५ चौकाको मद्दतमा ५७ बलमा अर्धशतक पूरा गरेका हुन् । जारी विश्वकपमा केएलको यो दोस्रो अर्धशतक हो । आज भारतले टस जितेर ब्याटिङ गरिरहेको छ । यो समाचार तयार पार्दासम्म भारतले २२ ओभरमा बिनाविकेट १३९ रन बनाएको छ ।

विश्वकप २०१९ मा रोहितको दोस्रो अर्धशतक
बंगलादेश विरुद्धको खेलमा भारतीय टिमका ओपनर रोहित शर्माले शानदार अर्धशतक पूरा गरेका छन् । उनले ३ छक्का र ४ चौकाको मद्दतमा ४५ बलमा अर्धशतक पूरा गरेका हुन् । जारी विश्वकपमा रोहितको यो दोस्रो अर्धशतक हो । साथै उनले यो विश्वकपमा २ शतकसमेत बनाइसकेका छन् ।

याे पनि पढ्नुस  अत्यधिक गर्मीमा क्रिकेट नियममा यस्ता परिवर्तन गर्न सुझाव

आज बंगलादेशलाई हराउन सके भारत सेमिफाइनलमा स्थान बनाउने छ । तालिकाको दोस्रो स्थानमा रहेको भारतले ७ खेलमध्ये पाँच खेलमा जीत, एक खेलमा हार र एक खेलमा भने वर्षाको कारण अंक बाँड्दै ११ अंक बनाएको छ । बंगलादेशले सात खेलमध्ये तीन खेलमा जीत र तीन खेलमा हार तथा एक खेलमा वर्षाको कारण अंक बाँड्दै ७ अंक जोडेको छ ।

याे पनि पढ्नुस  अत्यधिक गर्मीमा क्रिकेट नियममा यस्ता परिवर्तन गर्न सुझाव

यता, बंगलादेश पनि चमत्कारीपूर्ण प्रदर्शन गर्दै भारतलाई पराजित गरी विश्वकपको सेमिफाइनलमा पुग्ने आफ्नो झिनो सम्भावनालाई कायमै राख्न चाहन्छ । बंगलादेशविरुद्ध भारत स्पष्ट जितको खोजिमा हुनेछ । इंग्ल्यान्डविरुद्ध यसअघि पराजित भएको भारत आजको खेल आफ्नो पकडमा पार्न चाहन्छ ।

भारतको प्लेइङ–११ः विराट कोहली (कप्तान), महेन्द्रसिंह धोनी (विकेटकीपर), रोहित शर्मा, दिनेश कार्तिक, केएल राहुल, मोहम्मद शामी, भुवनेश्वकर कुमार, जसप्रित बुमराह, युजवेन्द्र चहल, हार्दिक पाण्ड्या र ऋषभ पन्त ।

याे पनि पढ्नुस  अत्यधिक गर्मीमा क्रिकेट नियममा यस्ता परिवर्तन गर्न सुझाव

बंगलादेशको प्लेइङ–११ः मुसरफे मुर्तुजा (कप्तान), तमिम इकबाल, शाकिव अल हसन, मुश्फिकुर रहीम (किकेटकीपर), सौम्य सरकार, लिटोन दास, रुबेल हुसेन, सब्बीर रहमान, मुस्तफिजुर रहमान, मोसाद्दिक होसैन र मोहम्मद सैफउद्दिन

कमेन्ट गर्नुहोस्