श्रीलंकामा प्रहरी अाइजिपी र पूर्व रक्षा सचिव गिरफ्तार

श्रीलङ्काको प्रहरीले आत्मघाती बम आक्रमण रोक्न नसकेको आरोप लागेका आफ्नै कमाण्डरलाई पक्राउ गरेको छ।

बक आक्रमणमा दुई सय ५८ जना मारिएका थिए।

प्रहरीले आईजीपी पुजित जयसुन्दरासँगै उक्त घटनालाई लिएर पूर्वरक्षा सचिव हेमसिरी फर्नान्डोलाई पनि गिरफ्तार गरेको छ।

महान्यायाधिवक्ताले सुरक्षा खतराहरूको आकलनमा उनीहरूको विफलता मानवताविरूद्धको अपराधजस्तै भएको टिप्पणी गरेको भोलिपल्ट दुई अधिकारी गिरफ्तार भएका हुन्।

याे पनि पढ्नुस  २० ओभरमा नेपालको ११२, पारस र ज्ञानेन्द्र क्रिजमा

महान्यायाधिवक्ताले उनीहरूविरुद्ध औपचारिक रूपमा अभियोग लगाउने ठानिएको छ।

उनले सुरक्षा कमजोरीहरूका निम्ति मुद्दा लगाइनु पर्ने भन्दै सन्दिग्धको रूपमा अन्य नौजना वरिष्ठ प्रहरी अधिकृतहरूको पनि नाम लिएका छन्।

सम्भावित आक्रमणबारे प्राप्त गुप्त सूचनाको जानकारी दिन असफल भएको भन्दै प्रहरी प्रमुखलाई राजीनामा दिन निर्देशन दिइएको बताइएको थियो।

याे पनि पढ्नुस  श्रीलंकामा सङ्कटकाल लगाएर राष्ट्रिय शोक, पूर्व सूचना लुकाएको भन्दै विवाद

तर उनले राजीनामा दिन अस्वीकार गरेका थिए।

त्यसपछि राष्ट्रपति मैत्रीपाल सिरिसेनाले दुई महिनाअघि रक्षासचिवलाई पदमुक्त गर्दै प्रहरी प्रमुखलाई निलम्बन गरेका थिए।

सिरिसेनाले एउटा टेलिभिजन सम्बोधनमा त्यहाँका विभिन्न सुरक्षा निकायमा व्यापक परिवर्तन गर्ने बताएको एक दिनपछि उनीहरू विरुद्ध कदम उठाइएको थियो।

याे पनि पढ्नुस  श्रीलंकामा संकटकाल हटाइयो

त्यसपछि निमित्तको रूपमा चन्दन विक्रमरत्नले प्रहरीको नेतृत्व सम्हालेका छन्।
-बिबिसीबाट

कमेन्ट गर्नुहोस्