Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

धोनीको जन्मदिन मनाउन वीरगन्जमा रक्तदान

वीरगन्ज, असार २१ । भारतीय क्रिकेट टिमका पूर्व कप्तान एवं हालका महत्वपूर्ण सदस्य महेन्द्रसिंह धोनीको जन्मदिनमा रक्तदान कार्यक्रम गरिएको छ । उनको ३८औं जन्मदिनको उपलक्ष्यमा शनिबार वीरगन्जमा नेपाली युवाहरुले रक्तदान कार्यक्रम आयोजना गरेका हुन् । घण्टाघर चोकमा ‘मिस्टर धोनी फ्यान्स क्लब वीरगन्ज’ले आयोजना गरेको रक्तदान कार्यक्रममा ४ महिलासहित ६१ जनाले रगतदान गरेको ब्लड डोनर्स एशोसियसन पर्साका सचिव अविन्द सिंहले जानकारी दिए ।

धोनीको जन्म दिनको उपलक्ष्यमा आयोजित कार्यक्रममा रगत दान गर्नेहरु सबै युवायुवती नै रहेको सचिव सिंहले बताए । ती मध्ये अधिकांशले धोनीको जन्मदिनका उपलक्ष्यमा आयोजना गरिएका कारण पहिलो पटक रगतदान गरेको बताए ।

शनिबार बिहान घण्टाघर चोकमा धोनीको जन्मदिनको उपलक्ष्यमा नेपाली युवायुवतीले रक्तदान कार्यक्रमको आयोजना गरेको खबर सामाजिक सन्जालमा देखेपछि सीमावर्ती भारतीय बजार रक्सौलबाट पनि धोनीका समर्थकहरु रगत दानका लागि घण्टाघरमा पुगेका थिए ।

भारतीय क्रिकेटर धोनीको जन्म दिनकै उपलक्ष्यमा आइतवार वीरगन्ज बजारमा र्याली निकालेर माइस्थान पार्कमा केक काटेर जन्मोत्सव मनाउने कार्यक्रम पनि रहेको मिस्टर धोनी फयान्स क्लब वीरगन्जका अध्यक्ष विक्की सर्राफले जानकारी दिए ।

कमेन्ट गर्नुहोस्

%d bloggers like this: