विश्वकपः श्रीलंकाविरुद्ध पनि रोहित शर्माको अर्धशतक

काठमाडौं, असार २१ । इंग्ल्याण्डमा जारी आइसीसी एकदिवसीय विश्वकप क्रिकेट अन्तर्गत श्रीलंकाविद्ध पनि भारतीय क्रिकेट टिमका उपकप्तान एवं ओपनर रोहित शर्माले अर्धशतक पूरा गरेका छन् । उनले एक छक्का र ५ चा८ चौकाको मद्दतमा ४८ बलमा अर्धशतक पूरा गरेको हुन् ।

जारी विश्वकपमा रोहितको यो दोस्रो अर्धशतक हो । साथै उनले यो विश्वकपमा सबैभन्दा धेरै ४ शतक बनाइसकेका छन् । यसअघि टस जितेर पहिला ब्याटिङ गरेको श्रीलंकाले निर्धारित ५० ओभरमा ७ विकेट गुमाएर २६४ रन बनायो । उसका लागि अनुभवी ब्याट्सम्यान एन्जेलो म्याथ्यूजले शतक बनाए । उनले १० चौका र २ छक्काको मद्दतमा १२८ बलमा ११३ रन बनाए ।

याे पनि पढ्नुस  विश्वकपमा हारपछि भारतीय कप्तान कोहलीको पद गुम्ने सम्भावना

जारी विश्वकपमा म्याथ्यूजको यो पहिलो शतक हो । यस्तै लाहिरु थिरिमानेले ५३, धनन्जय डी सिल्भाले नट आउट २९, अभिष्का फर्नान्डोले २०, कुसल परेराले १८, कप्तान दिमुथ करुणारत्मनले १०, कुसल मेन्डिसले ३, थिसरा परेराले २ र इसुरु उडानाले नट आउट एक रन बनाए । बलिङमा जसप्रित बुमराहले ३, हार्दिक पाण्ड्या, रविन्द्र जडेजा, भुवनेश्वर कुमार र कुलदीप यादवले एक–एक विकेट लिए ।

याे पनि पढ्नुस  भारतको लगातार विकेट पतन, रोहित पनि मैदान बाहिरिए

 कस्तो छ विगत?
अहिलेसम्म श्रीलंका र भारतबीच एकदिवसीय क्रिकेटमा १५८ पटक खेल भएको छ । जसमा भारतले ९० खेलमा जीत हासिल गरेको छ । श्रीलंकाले ५६ खेलमा जीत दर्ता गरेको छ । एक खेल टाई भएको थियो । ११ खेलको नतिजा आएको थिएन ।  इंग्ल्याण्डको मैदानमा यी दुई टिमबीच ७ पटक भिडन्त भएको जसमा ५ खेलमा भारत र २ खेलमा श्रीलंका विजयी भएको थियो । आज टिममा कोकोले पाए मोका? हेर्नुस् प्लेइङ–११

याे पनि पढ्नुस  टि-ट्वेन्टी शृंखलाको दोस्रो खेल जित्दै शृंखलामा फर्कियो भारत

भारतको प्लेइङ–११ः विराट कोहली (कप्तान), जसप्रित बुमराह, ऋषभ पन्त, महेद्रसिंह धोनी (विकेटकीपर), रविद्र जडेजा, दिनेश कार्तिक, भुवनेश्वर कुमार, हार्दिक पाण्ड्या, लोकेश राहुल, रोहित शर्मा र कुलदीप यादव।

श्रीलंकाको प्लेइङ–११ः दिमुथ करुणारत्ने (कप्तान), कुसल परेरा, कुसल मेन्डिस, धनन्जय डी सिल्वा, अविष्का फर्नांडो, लसिथ मलिंगा, एन्जेलो म्याथ्युज, थिसरा परेरा, लाहिरू थिरिमाने, इसुरू उडाना र कसुन रजिथा ।

कमेन्ट गर्नुहोस्