धोनीले मनाए ३८ औं जन्मदिन, जान्नुहोस् उनको क्रिकेट उपलब्धि

काठमाडौं, असार २२ । भारतीय क्रिकेट टिमका पूर्व कप्तान एवं विकेटकीपर, ब्याट्सम्यान महेन्द्रसिंह धोनीले ३८औं जन्मदिन इंग्ल्याण्डमा मनाएका छन् । धोनीले पत्नी साक्षी, छोरी जीवा र साथीहरुको साथमा आफ्नो ३८ औं जन्मदिन मनाएका हुन् । उनको जन्म ७ जुलाई १९८१ मा झारखण्डको राँचीमा भएको थियो । धोनीले आफ्नो नेतृत्वमा टी–२० विश्वकप २००७ र वान डे विश्वकप २०११ को उपाधि जिताएका थिए । उनले भारतलाई २०१५ को आइसीसी च्याम्पियन ट्रफिसमेत दिलाएका थिए । धोनी विश्वकप क्रिकेटका एक मात्र कप्तान हुन्, जसले आइसीसीको तीन वटै फम्र्याटको उपाधि दिलाउन सफल भए ।

याे पनि पढ्नुस  धोनीले बनाए यस्तो रेकर्ड, तोडियो रैना–रोहितको रेकर्ड

सचिनले भने, ‘धोनी उत्कृष्ट कप्तान’
धोनीलाई जन्मदिनको शुभकामना दिँदै पूर्वकप्तान सचिन तेन्दुलकरले धोनी सबैभन्दा उत्कृष्ट कप्तान रहेको भन्दै प्रशंसा गरेका छन् । उनले भनेका छन्, ‘आफ्नो २२ वर्षको क्रिकेट करियरमा जति पनि कप्तानको अण्डरमा मैले खेले, उसमा धोनी सबैभन्दा उत्कृष्ट लागे ।’ सचिनले अगाडि थपे, ‘धोनी जहिले पनि शान्त रहन्छन् । र, कहिल्यै पनि तनावमा हुँदैनन् । उनी शानदार कप्तान हुन् ।

याे पनि पढ्नुस  धोनीको जन्मदिन मनाउन वीरगन्जमा रक्तदान

२०० वान डेमा कप्तानी
धोनीले भारतका लागि अहिलेसम्म सबैभन्दा धेरै २०० वान डेमा कप्तानको भूमिका निर्वाह गरेका छन् । जसमा भारतले ११० खेलमा जीत हासिल गरेको छ । उनी विश्व क्रिकेटका तेस्रो कप्तान हुन्, जसले सर्बाधिक वान डे खेलको कप्तानको भूमिका निर्वाह गरेका छन् । धोनीले ९० टेस्ट, ३४९ वान डे र ९८ टी–२० अन्तर्राष्ट्रिय म्याच खेलेका छन् । उनले २०१५ मा टेस्ट क्रिकेटबाट सन्यास लिएका थिए ।

कमेन्ट गर्नुहोस्