अछाममा चिर्पट प्रहार गरी ससुरा र ठूलोबुवाको हत्या

अछाम,असार २५ । मंगलसेन नगरपालिका–१ कुन्तीबण्डालीको ढुंगानीमा पाहुना आएका ससुरा र ठूलोबुवाको दाउराको चिर्पटले हानेर एक युवकले मंगलबार मध्यरातमा दुई जनाको हत्या गरेका छन् ।

ढुंगानी निवासी अन्दाजी २८ वर्षीय लफे भनिने पिरमकुमार साउँदले सोही ठाउँमा बस्ने ठूलोबुवा ७२ वर्षीय देउसिंह थापा र ५५ वर्षीय ससुरा विरभान थापालाई दाउराको चिर्पटले हानेर हत्या गरेको अछाम प्रहरीले जानकारी दिएको छ ।

याे पनि पढ्नुस  ढोका थुनेर छोराले गरे बुवा र ठुला बुवाको हत्या, आमा घाइते

घटनामा संलग्न भनिएका साउँद सोही नगरपालिका–२ को खम्बबाट पक्राउ परिसकेका छन् । घटनाको कारण भने नखुलेको र थप अनुसन्धान भइरहेको अछाम प्रहरीको भनाइ छ ।

ससुराको घर घटनास्थलबाट पैदल करिब आधा घण्टाको दूरीमा रहेको बताइएको छ । हत्या आरोपित साउँदकी श्रीमतीलाई उदृत गर्दै अछाम प्रहरीका अनुसार राति घर बाहिर आउजाउ गरिरहेको र ठूलो बुवा र ससुराले सुत्न भनेपछि घटना भएको बताइएको छ ।

याे पनि पढ्नुस  सर्लाहीमा सुन व्यवसायीको गोलि हानी हत्या

राती करिब एक बजे भएको घटनामा प्रहरीलाई पौने चार बजे खबर पाएलगतै डिएसपी जनकबहादुर शाहीको नेतृत्वमा खटिएको प्रहरीको टोलीले घटनाका बारेमा जानकारी लिएको छ ।

कमेन्ट गर्नुहोस्