भर्जिनियाका रुपाखेती परिवारद्वारा डिसी सप्ताहमा ५५ हजार डलर दान

डिसी, असार २६ । अमेरिकाको भर्जिनिया राज्यको सेन्टरभिलमा बस्दै आएका समाजसेवी अरुण रुपाखेती र परिवारले डिसी मेट्रो सप्ताहमा ५५ हजार ५ सय ५५ डलर र ५५ सेन्ट दान गरेका छन् । गत जुन २२ देखि जुन २९ सम्म सम्पन्न डिसी मेट्रो सप्ताह २०१९ का संयोजक समेत रहेका रुपाखेतीले ५५ हजार ५ सय ५५ डलर र पचपन्न सेन्ट दान गर्दै उक्त सप्ताहमा सर्वाधिक ठूलो दान गर्ने दानवीर भएका छन् ।

उनले उक्त रकमको घोषणासँगै संस्थापक संरक्षक बनेका छन् । ४० हजार डलरको सदस्यता बने पछि मात्र संस्थापक संरक्षक भइन्छ । रुपाखेती अनेसास डिसी शाखा र अन्य संघर संस्था संग आबद्ध छन । झन्डै दुई दशकदेखि डिसी मेट्रो महानगर क्षेत्रमा बस्दै अन्य सामाजिक संस्थामा आबद्ध रुपाखेती डिसी नेपाली समाजका संस्थापक अध्यक्ष पनि हुन् । उनले बिदेशी माटोमा परम्परा, संस्कृतिको सम्वर्द्धन र जगेर्ना गर्न डिसी नेपाली समाजको स्थापना गरेका छन् । उक्त मुनाफा रहित संस्था मार्फत झन्डै १० वर्षदेखि हजारौं नेपाली समुदायहरुलाई निःशुल्क जनैपूर्णिमामा क्वाटी,जनै र दशैमा जमरा वितरण गर्दै आइरहेका छन् ।

याे पनि पढ्नुस  यौन दुर्व्यवहारको आरोप अस्वीकार

डिसी महानगर क्षेत्रमा सामुदायिक केन्द्र बनाउनुपर्छ भन्दै पुराणमार्फत यो सम्भव छ भन्नेमध्ये कै एक परिकल्पनाकार रुपाखेती हुन् । यसको लागि उनी र आफ्ना परिवार अहोरात्र खटिई सबैको अथक प्रयास र मेहनतको कारण अमेरिकामा भएका सप्ताहमध्ये सर्वाधिक ठूलो रकम २० लाख ३४ हजार डलर संकलन भएको थियो । जुन अमेरिकाको नेपाली समुदायको ईतिहासमा यति ठुलो सहभागिता र ज्यादा रकम नगदमात्र १० लाख डलर उठ्न सफल भएको थियो ।

याे पनि पढ्नुस  मेक्सिकोको सिमाक्षेत्रमा अमेरिकी सैनिक तैनाथ, आप्रवासन नीतिमा थप कडाई गर्ने संकेत

डिसी मेट्रो सप्ताहको लागि नेपाल बाट वाचन प्रविण पण्डित दिनबन्धु पोखरेल आएका थिए भने रुपाखेतीकै घरमा पण्डित पोखरेल सप्ताहसम्म बसेका थिए । रुपाखेती दम्पत्ति, २ छोराहरु, बुबाआमा र छोरी समेतको कूल मिलाएर रुपाखेती परिवारले पचपन्न हजार पॉच सय पचपन्न डलर र पचपन्न सेन्ट दान गरेका हुन् । उक्त दान डिसी मेट्रो सप्ताहको अन्तिम दिन जुन २९ मा आफ्ना परिवारको साथ सबैको अगाडी दान दिने घोषणा गरेका थिए ।

याे पनि पढ्नुस  न्यूयोर्क सिटी काउन्सिलबाट नेपाली पत्रकार सम्मानित

उनले आफू चिकित्सक, अभियन्ता र ठूलो पदमा काम गर्ने नभई घण्टा हान्ने काम गरे तापनि मन भएर दान गरेको बताएका थिए । उनले घोषणा गर्ने बित्तिकै उनलाई काँधमा हालेर पुराण स्थलमा घुमाईएको थियो ।

कमेन्ट गर्नुहोस्