इंग्ल्याण्डको उत्कृष्ट शुरुवात, अष्ट्रेलियाका ओपनर सस्तैमा आउट

काठमाडौं, असार २६ । १२ औं संस्करणको एकदिवसीय विश्वकप क्रिकेटको दोस्रो सेमिफाइनल अन्तर्गत घरेलु टिम इंग्ल्याण्डविरुद्ध अष्ट्रेलियाले खराब सुरुवात गरेको छ । टस जितेर पहिला ब्याटिङ रोजेको अष्ट्रेलियाले २.४ ओभरमै महत्वपूर्ण २ विकेट गुमाइसकेको छ ।

उसले पहिलो विकेटकारुपमा कप्तान आरोन फिन्च (०) लाई र दोस्रो विकेटकारुपमा डेभिड वार्नर (९) रनमा गुमाएको हो । फिन्चलाई जोफ्रा आर्चरले र वार्नरलाई क्रिस ओक्सले आउट गर्न सफल भए । लिग चरणमा अस्ट्रेलियाले इंग्ल्याण्डलाई ६४ रनले हराएको थियो ।

याे पनि पढ्नुस  विश्वकप सेमिफाइनलः १४ रन बनाउँदा अष्ट्रेलियाले गुमायो ३ विकेट

इंग्ल्याण्ड ३ पटक फाइनल पुग्दा पनि उपाधि भने जीत्न सकेको छैन । इंग्लिश टिम १९७९, १९८७ र १९९२ मा फाइनलमा पुगेको थियो । अहिलेसम्म इंग्ल्याण्ड र अष्ट्रेलियाबीच विश्वकपमा ८ खेल भएको छ । जसमा ८ मा अष्ट्रेलिया र २ खेलमा न्यूजिल्याण्ड विजयी भएको छ । जारी विश्वकपमा अष्ट्रेलियाले ९ खेलमा ७ मा जीत र २ खेलमा हार बेहोरेको छ । यता इंग्ल्याण्डले ९ खेलमा ३ मा हार र ६ खेलमा जीत हासिल गर्न सफल भएको छ ।

याे पनि पढ्नुस  अष्ट्रेलियाको खराब सुरुवात, खाता नखोल्दै कप्तान आउट

अष्ट्रेलियाको प्लेइङ–११ः आरोन फिन्च (कप्तान), डेभिड वार्नर, स्टिभ स्मिथ, ग्लेन म्याक्सवेल, एलेक्स केरी, जसन फेहनड्रफ, प्याट कमिन्स, मार्कस स्टोइनिस, पीटर ह्यान्सकम्ब, नाथन लायन र मिचेल स्टार्क

इंग्ल्याण्ड प्लेइङ–११ः इओनन मोर्गन (कप्तान), जोनी बेरिस्टो, जो रूट, जसन राय, बेन स्टोक्स, जोफ्रा आर्चर, जोस बटलर, लियाम प्लंकेट, आदिल राशिद, क्रिस वोक्स र मार्क वुड ।

कमेन्ट गर्नुहोस्