Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

विश्वकप क्रिकेटमा स्टार्कको नयाँ कीर्तिमान

काठमाडौं । अष्ट्रेलिया क्रिकेट टिमका तिव्र गतिका बलर मिचेल स्टार्कले एकदिवसीय विश्वकप २०१९ मा नयाँ कीर्तिमान बनाएका छन् । उनले बिहीबार इंग्ल्याण्डका ओपनर जोनी बेरिस्टोलाई एल्बीडब्लू आउट गरेसँगै एकैविश्वकपमा सर्बाधिक विकेट लिने बलरको कीर्तिमान बनाएका हुन् ।

बायाँ हाते बलर स्टार्कले यो विश्वकपमा सबैभन्दा धेरै २७ विकेट लिए । उनले यो उपलब्धि हासिल गरेसँगै अष्ट्रेलियाका पूर्व तेज बलर ग्लेन म्याग्रा (२६ विकेट) लाई पछि पारेका छन् । म्याग्राले २००७ को विश्वकपमा सर्बाधिक २६ विकेट लिएका थिए ।

२७ वर्षपछि इंग्ल्याण्ड फाइनल
इंग्ल्याण्ड २७ वर्षपछि १२औं संस्करणको एकदिवसीय विश्वकपको फाइनलमा प्रवेश गरेको हो । सेमिफाइनल खेलमा अष्ट्रेलियाले दिएको २२४ रनको सामान्य लक्ष्य इंग्ल्याण्डले ३२.१ ओभरमा २ विकेट गुमाएर पूरा गर्यो । उसका लागि जोसन रोयले ५ छक्का र ९ चौकाको मद्दतमा ६५ बलमा ८५ रन बनाए ।

जारी विश्वकपमा उनको यो चौथो अर्धशतक हो । साथै यो विश्वकपमा रोयले एक शतकसमेत बनाइसकेका छन् । यस्तै जोनी बेरिस्टोले ३४, जो रुटले (अविजित) ४९ र इओन मोर्गनले नट आउट ४५ रन बनाए । बलिङमा अष्ट्रेलियाका मिचेल स्टार्क र प्याट कमिन्सले एक–एक विकेट लिए । अब इंग्ल्याण्डले उपाधिका लागि १४ जूलाईमा न्यूजिल्याण्डसँग खेल्ने छ । टस जितेर पहिला ब्याटिङ गरेको अष्ट्रेलियाले ४९ ओभरमा सम्पूर्ण विकेट गुमाएर २२३ रन मात्र बनाउन सक्यो ।

उसका लागि स्टिभ स्मिथले सर्बाधिक ८४ रनको योगदान दिए ।  यस्तै एलेक्स केरीले ४६, मिचेल स्टार्कले २९, ग्लेन म्याक्सवेलले २२, डेभिड वार्नरले ९ पिटर ह्यान्सकम्बले ४, प्याट कमिन्सले ६ र नाथन लायनले ६ रन बनाए । कप्तान आरोन फिन्च र मार्कस स्टोइनिसले खाता नै खोल्न पाएनन् । बलिङमा क्रिस ओक्स, आदिल रशिदले तीनतीन, जोफ्रा आर्चरले २ र मार्क उडले एक विकेट लिए ।

अष्ट्रेलियाको प्लेइङ–११ः आरोन फिन्च (कप्तान), डेभिड वार्नर, स्टिभ स्मिथ, ग्लेन म्याक्सवेल, एलेक्स केरी, जसन फेहनड्रफ, प्याट कमिन्स, मार्कस स्टोइनिस, पीटर ह्यान्सकम्ब, नाथन लायन र मिचेल स्टार्क ।

इंग्ल्याण्ड प्लेइङ–११ः इओन मोर्गन (कप्तान), जोनी बेरिस्टो, जो रूट, जसन राय, बेन स्टोक्स, जोफ्रा आर्चर, जोस बटलर, लियाम प्लंकेट, आदिल राशिद, क्रिस वोक्स र मार्क वुड ।

कमेन्ट गर्नुहोस्

%d bloggers like this: