मिस नेपाल नर्थ अमेरिकाको अन्तिम १७ प्रतियोगी छनौट सम्पन्न

डिसी, असार २८ । आगामी अगस्त १७ का दिन न्युयोर्कमा हुने मिस नेपाल नर्थ अमेरिका २०१९ का अन्तिम प्रतियोगीहरुको छनौट सम्पन्न भएको छ ।

अन्तिम (फाइनलिस्ट)मा अमेरिकाका विभिन्न राज्यहरुबाट सहभागिता रहेकामध्ये १७ जना निर्णायक चरणमा पुगेका हुन् । उक्त अन्तिम सूचीमा पुग्ने १७ जना प्रतियोगीहरु मध्येमा मिनेसोटाकी आस्मा थापामगर, भ्यानकुभर क्यानडा कि आस्था पाण्डे, मिनेसोटाकी एन्जिला अधिकारी, ओहायोकी विष्णु मिश्रा, भर्जिनियाकी गरिमा पौडेल, म्यासाचुसेट्सकी कृति केसी, न्यूयोर्ककी मनिषा रोका, क्यालिफोर्नियाकी ओशिन रायमाझी, ओकल्हामाकी राजश्री आचार्य, न्यू योर्ककी रेबिका श्रेष्ठ, क्यालिफोर्नियाकी रिस्ता शाह, ईडाहोकी सबिना पौडेल, कोलोराडोकी सेलिषा नेपाल, मेरिल्याण्डकी शिक्षा घिमिरे, न्यूयोर्ककी सोनी खनाल, पेन्सेलभेनियाकी सोनिशा थापा तथा न्यूयोर्ककी श्रीया गजुरेल छनौटमा पुग्न सफल भएका छन् ।

याे पनि पढ्नुस  भर्जिनियाका रुपाखेती परिवारद्वारा डिसी सप्ताहमा ५५ हजार डलर दान

गतवर्ष मिस नेपाल नर्थ अमेरिकामा मोनिका घले भएकी थिइन् प्रथम विजेता सुजाता लामा तथा द्वितीय विजेता सृजना राई भएका थिए । यसपटक मिस नेपाल नर्थ अमेरिका २०१९ को लागि कूल ३३ जनाले निवेदन दिएका थिए भने त्यसमध्ये उत्कृष्ट १७ जनालाई छनौट गरेको आयोजकका प्रमुख शैलेन्द्र श्रेष्ठले जनाएका छन् ।

दोश्रो मिस नेपाल नर्थ अमेरिका २०१९ नामक कार्यक्रमको लागि मिस नेपाल वर्ल्ड २०१८ कि शृंखला खतिवडा आधिकारिक सहभागी मेन्टर९परामर्शदाता०को रुपमा सहभागिता हुनेछिन् ।

याे पनि पढ्नुस  चिनियाँ विद्यार्थी हत्याआरोपमा अमेरिकी महिलालाई २५ वर्ष जेल

यस पटक पनि मिस नेपाल २०१० कि सदिक्षा श्रेष्ठले आधिकारिक कोरियोग्राफरको भूमिका निर्वाह गर्ने छिन । अतिथि कलाकारहरुमा क्रमशः एड्रीएन प्रधान, सिने गुरुङ, बिक्की गुरुङ, आदित्य लामा, राहुल राई तथा जय गुरुङको प्रस्तुति रहने छ । यसैगरी यसपटक उद्घोषक सुमित सिग्देलले गर्नेछन् भने डिस्क जोकी (चक्रिका विदूषक)हरुमा क्रमस रोकेश गुरुङ तथा जङ्गबु शेर्पा रहने छन् । आगामी अगस्त महिनाको १७ तारिखका दिन गतवर्ष सफलतापूर्वक सम्पन्न भएकै स्थान मेलरोज बलरुममा कार्यक्रम हुने भएको छ ।

स्मरण रहोस, गतवर्ष प्रथम ‘मिस नेपाल नर्थ अमेरिका २०१८’ को लागि मिस नेपाल २०१० की सदिक्षा श्रेष्ठले कोरियोग्राफ गरेकी थिइन् भने २०१७ कि मिस नेपाल युनिभर्स नग्मा श्रेष्ठ कार्यक्रम प्रस्तोता रहेकी थिइन् । प्रतियोगितामा भाग लिनको अलागी आवेदन भर्ने अन्तिम मिति जुन १५ राखिएको थियो । कार्यक्रम उन्नत इन्टरनेसनल तथा ड्रिम्स युनिभर्सलले कार्यक्रम गर्ने छ ।

याे पनि पढ्नुस  ‘इन्धनमा कृत्रिम मूल्यवृद्धि स्वीकार्य छैन’

९ वर्षसम्म रणनीति कार्यक्रम व्यवस्थापन, परियोजना व्यवस्थापन तथा नेतृत्व व्यवस्थापनमा गहिरो अनुभव बटुलेका व्यक्तिहरु मिस नेपाल नर्थ अमेरिकाको टोलिमा संस्थापकहरुको संलग्नता रहेको छ । आयोजक समूह शैलेन्द्र श्रेष्ठ तथा निराकार उप्रेती सहसंस्थापक सभापति रहेका छन् ।

कमेन्ट गर्नुहोस्