गृह मन्त्रालयको निर्णयः राहत तथा उद्दारको लागि स्वास्थ्यकर्मी र हेलिकोप्टर पठाइने

काठमाडौं, असार २८ । अविरल वर्षाको कारण शुक्रबारदेखि देशका विभिन्न स्थानमा आएको बाढी पहिरो पीडितलाई तुरुन्त राहतको व्यवस्था गर्न गृह मन्त्रालयले निर्णय गरेको छ । मन्त्रालयमा शनिबार बसेको विपद् व्यवस्थापन कार्यकारी समितिको बैठकले प्रभावित क्षेत्रमा हेलिकोप्टर र स्वास्थ्यकर्मीको टोली खटाउने, खानेपानी तथा खाद्यान्नका लागि आवश्यक व्यवस्था मिलाउने निर्णय गरेको हो।

शुक्रबार मौसमका कारण हेलिकोप्टरबाट राहत तथा उद्दारको काम गर्न नसकिए पनि आजदेखि भने हेलिकोप्टर प्रयोग हुन थालेको गृहमन्त्री रामबहादुर थापा ‘बादल’ ले बताए । उनले वर्षा सुरु हुनुअघि सम्भाव्य विपद्लाई मध्यनजर गर्दै पूर्वतयारी गरिएको जानकारी दिए।

कमेन्ट गर्नुहोस्