एनआरएनए नाइजेरियाको ७औं वार्षिक साधारणसभा सम्पन्न, अध्यक्षमा थापा निर्वाचित

लेगोस, नाइजेरिया, असार ३० । गैर आवासीय नेपाली संघको सोमबार नाइजेरियाको लेगोसमा सम्पन्न ७औं वार्षिक साधारणसभाले सन २०१९–०२१ का लागि रोशन थापाको अध्यक्षतामा सर्वसम्मतिले नयाँ कार्य समितिको गठन गरेको छ ।

वार्षिक साधारण सभालाई सम्बोधन गर्दै एनआरएनए अन्तराष्ट्रिय कार्यसमितिका कोषाध्यक्ष हिक्मत थापाले सन् २००८ मा स्थापना भएदेखि एनआरएनए नाइजेरिया एनआरएनए अभियानको मुख्य हिस्साको रुपमा आफुलाई स्थापित भएको र एनआरएनएका सबै परियोजना र नेपालका सबै राहत सहयोग अभियानमा सक्रिय रहेकोमा गर्व गरे ।

त्यसैगरी साधारणसभामा आईसिसी महिला उप–संयोजक मन थापा, आईसीसी सदस्य चिरञ्जिवी रोका, पूर्व अफ्रिका उप–संयोजक विदूर घिमिरे, उपाध्यक्ष वीरेन्द्र गुप्ताले मन्तव्य व्यक्त गरेका थिए भने सभापतित्व अध्यक्ष बिश्वास पौडेलले गरेका थिए । साधारणसभाले सन् २०१९–०२१ का लागि आइसीसी सदस्यमा विश्वास पौडेललाई चयन गरेको छ भने उपाध्यक्षमा वीरेन्द्र गुप्ता, उर्मिला रोका, सुशील गिरी महासचिवमा अभिषेकमान सिंह, सचिवमा रोहित भाङ्गर, सोमेश अर्याल कोषाध्यक्षमा रमेश गुप्ता, सह–कोषाध्यक्षमा सागर उप्रेती र सदस्यहरुमा उत्तम पौडेल, राजु धिताल, इन्द्र टन्डन, विष्णु गिरी र लक्ष्मी गुरुङ निर्वाचित भएका छन् ।

कार्यसमितिको महिला संयोजकमा सावित्री गुप्ता र युवा संयोजकमा फिरोज आलम निर्वाचित भएका छन् । त्यसैगरी सल्लाहकारमा हिक्मत थापा, चिरञ्जिवी रोका, विदुर घिमिरे, संजय थापा र शंकर बर्मा चयन भएका छन् । साधारणसभाले संघको छैठौं नेपाल परियोजना तत्काल नेपालको प्रदेश नं.५ मा संचालन गर्ने र नेपाली साँस्कृतिक कार्यक्रमको तेश्रो शृङ्खला लेगोसमा आयोजना गर्ने निर्णय गरेको छ ।

कमेन्ट गर्नुहोस्