विप्लवका विद्यार्थी नेता पक्राउको विरोधमा शैक्षिक हडताल (प्रेसविज्ञप्तिसहित))

कैलाली, असार ३१ । प्रतिबन्धित विप्लव नेतृत्वको नेकपाका विद्यार्थी नेता पक्राउको विरोधमा कैलालीमा एक दिने शैक्षिक हडताल गरिएको छ ।

अखिल नेपाल राष्ट्रिय स्वतन्त्र विद्यार्थी युनियन क्रान्तिकारीले जिल्ला अध्यक्ष बबरजंग सिंहलाई राजनीतिक आस्थाका आधारमा गैर न्यायिक हिरासतमा राखेको भन्दै एकदिने शैक्षिक हडताल गरिएको हो ।

याे पनि पढ्नुस  सन्तको हत्या

हडतालका कारण कैलालीका शिक्षण संस्था सञ्चालनमा आउन नसक्दा पढाई प्रभावित भएको छ। जिल्ला प्रहरी कार्यालय कैलालीका प्रहरी नायब उपरिक्षक दक्षकुमार बस्नेतले जिल्लामा विप्लव समूह निकट विद्यार्थी संगठनको बन्दका कारण शिक्षण संस्था बन्द रहेको बताए । यसअघि वैशाख २७ गते पक्राउ परेका अखिल क्रान्तिकारीका अध्यक्ष सिंहलाई कैलाली जिल्ला अदालतले पाँच लाख धरौटीमा छोड्न दिएको थियो।

याे पनि पढ्नुस  हिँडेर पुल तर्दा १५ रुपैयाँ, मोटरसाइकलबाट तर्दा ३५ रुपैयाँ टिकट !

तर, धरौटी नबुझाएपछि कारागार चलान भएका सिंहले सर्वोच्च अदालतमा बन्दी प्रत्यक्षीकरण रिट हालेका थिए । सर्वोच्च अदालतले धरौटीविना थुनामुक्त गर्न दिएको आदेशपछि उनी असार २७ गते रिहा भएका थिए । प्रहरीले सोही दिन उनलाई पक्राउ गरेर फेरि हिरासतमा लिएको छ।

कमेन्ट गर्नुहोस्