पार्टी संगठनलाई सुदृढ बनाउने गरी राष्ट्रिय अभियान सञ्चालन गरिने प्रचण्डको घोषणा

काठमाडौं, असार ३१ । सत्तारुढ दल नेपाल कम्युनिष्ट पार्टी (नेकपा) का अध्यक्ष प्रचण्डले पार्टी एकताका बाँकी सबै कामको आजै टुंगो लगाउने दावी गरेका छन्। मंगलबार पार्टीको ललितपुर जिल्ला कमिटीको प्रथम पूर्ण बैठकमा बोल्दै उनले दुई अध्यक्षबीच पार्टीको केन्द्रीय सदस्यहरुको कार्य विभाजन, ज्येष्ठ नागरिक मञ्च, सल्लाहकार कमिटी, विभाग, आयोग गठनबारे सहमति भइसकेको बताए।

याे पनि पढ्नुस  प्रचण्ड भन्छन्, ‘अब उपचार नपाएर कोही मर्नु पर्दैन’

प्रधानमन्त्री एवं अर्का अध्यक्ष ओली र आफूबीच भएको सो सहमतिलाई पार्टीको सचिवालय र स्थायी समिति बैठकबाट अनुमोदन गराएर टुंगो लगाउने उनको भनाई छ। उनले पार्टी एकताको सबै कामले पूर्णता पाउने वित्तिकै पार्टी केन्द्रिय कार्य समितिको बैठक बोलाएर जनता र पार्टी संगठनहरुलाई सुदृढ बनाउने गरी राष्ट्रिय अभियान संचालन गर्ने घोषणा पनि गरे।

याे पनि पढ्नुस  प्रकाश दाहाल योग्य र परिपक्वः अध्यक्ष प्रचण्ड

दुई पार्टीबीचको एकतालाई असफल बनाउन अझै पनि प्रतिक्रियावादीहरुले षडयन्त्र गरिरहेको उल्लेख गर्दै सचेत रहन पनि पार्टीका नेता, कार्यकर्तालाई निर्देशन समेत दिए। उनले जनताले विश्वास गरेर दुई तिहाइ प्राप्त गरेको पार्टी र सरकार दुवैले जनताको चाहना अनुसार काम गर्नुपर्ने चुनौती रहेको पनि बताए।

याे पनि पढ्नुस  'पार्टी एकता र सरकार गठन सँगसँगै टुंग्याइने'

उनले ठूलो त्याग, संघर्ष र बलिदानको जगमा निर्माण भएको दुई पार्टीबीचको एकतालाई असफल बनाउने देशी, विदेशी प्रतिक्रियावादीहरुको चाहनालाई परास्त गर्न सफल भएकोमा आफूलाई गर्व लागेको बताए।

कमेन्ट गर्नुहोस्