को हुन् धनगढी बम विस्फोटमा ज्यान गुमाउने सिंह?

कैलाली, सावन ३ । कैलालीको धनगढी उपमहानगरपालिका–४ शहीद गेटस्थित निलम होटलमा भएको बम विस्फोटमा परी घाइते बझाङ घर भएका राम सिंहको मृत्यु भएको छ ।

घाइते राम सिंहको माया मेट्रो अस्पतालमा उपचारका क्रममा बिहीबार राति ११ बजेतिर मृत्यु भएको प्रहरीले जनाएको छ । बझाङको जयपृथ्वी नगरपालिका १ नौरा स्थायी घर भएका सिंह हाल कञ्चनपुरमा बस्दै आएको खुलेको छ ।

याे पनि पढ्नुस  मृतक राम सिंहको दाहसंस्कारबाटै दुईजना पक्राउ

सिंह पूर्व माओवादी लडाकुसमेत रहेको अनुसन्धानबाट खुलेको प्रहरीले जनाएको छ । साथै सिंह गत महिला घट्टेकुलो बम बिस्फोटमा परि ज्यान गुमाएका बझाङकै प्रज्वल शाहीका आफन्त समेत रहेका स्थानीयले बताएका छन् । वर्ष ३५ का सिंह घरबाट पहाड जाने भन्दै निस्केको प्रारम्भिक अनुसन्धानमा खुलेको प्रहरीले जनाएको छ ।

बिहीवार साँझ विस्फोटबाट सिंहको पछाडिको भागमा निकै चोट लागेको थियो । उनले झोला भिरेका थिए । त्यही झोलाभित्र रहेको बम भित्तामा अडेस लगाउदा प्रेसरले पडकिएको हुनसक्ने प्रहरीको अनुमान छ ।

याे पनि पढ्नुस  धनगढी विस्फोट अपडेटः घाइते एक जनाको ज्यान गयो

विस्फोटमा कम्मर पछाडिको भाग गुमाएका सिंहलाई उपचारका लागि तत्काल बाहिर लैजानु पर्ने भएपनि बाहिर लैजान नसकेपछि उनको मृत्यु भएको हो । घट्नास्थलमा स्टीलको टिफिनका टुक्रा भेटिएको कैलाली प्रहरी डिएसपी दक्ष बस्नेतले जानकारी दिए । बस्नेतले राम सिंह र उनीसँगै रहेका कञ्चनपुरको बेलडाँडीका लक्ष्मण सेरेला विप्लव माओवादीका कार्यकर्ता भएको बताए ।

याे पनि पढ्नुस  धनगढी विस्फोट अपडेटः घाइते एक जनाको ज्यान गयो

दुबै जनासँगै होटलमा आएको अनुसन्धानले देखाएको प्रहरीले जनाएको छ । घटनास्थलबाट प्रहरीले एक थान ९ एमएमको चाइनीज पेस्तोल पनि बरामद गरेको छ । म्यागजीन भित्र गोली भरिएको अवस्थामा पेस्तोल फेला परेकाले डिएसपी बस्नेतले बताए । घट्नास्थलमा से ७ प ३१४४ नम्बरको मोटरसाईकलसमेत फेला परेको प्रहरीले जनाएको छ ।

कमेन्ट गर्नुहोस्