माडीमा पहिलो ठूलो खानेपानी आयोजना निर्माण हुँदै

भरतपुर, साउन ४ । माडी नगरपालिकामा पहिलो ठूलो खानेपानी आयोजना निर्माण चरणमा रहेको छ । दुई हजार १०० घरधुरीलाई स्वच्छ खानेपानी पुर्याउने उद्देश्यले माडीको गर्दीमा खानेपानी आयोजना निर्माण गर्न लागिएको हो ।

बहुवर्षीय योजनाअन्तर्गत १५ करोड रूपैयाँको लागतमा खानेपानी आयोजना निर्माण भइरहेको खानेपानी तथा सरसफाइ डिभिजन नं १ मकवानपुरले जनाएको छ । आयोजनाको हालसम्म ३५ प्रतिशतमात्रै भौतिक प्रगति देखिएको छ । आर्थिक वर्ष २०७०र७१ मा निर्माण सुरू भएको यस आयोजना चालू आव २०७६/७७ भित्र सक्ने लक्ष्य रहेको डिभिजनका इन्जिनियर भरतप्रसाद पोखरेलले जानकारी दिए ।

याे पनि पढ्नुस  'पोल्ट्री किंग' गुणचन्द्रले मेयर रेणु दाहालकै सामुन्ने स्थानीयसँग मागे माफी !

खानेपानी सञ्चित गरेर राख्नका लागि साढे चार लाख लिटर क्षमताको ओभर हेड पानी ट्याङ्की निर्माण भइसकेको छ । पम्प हाउस निर्माण, पाइप खरिद, कम्पाउन्ड पर्खाल निर्माण र ट्रान्समिटर खरिद गरी विद्युतीकरणको काम सकिएको उनले बताए । आयोजना निर्माण सम्पन्न भएपछि स्थानीय गर्दी खानेपानी तथा सरसफाइ उपभोक्ता संस्थालाई हस्तान्तरण गरिनेछ ।

याे पनि पढ्नुस  भरतपुर महानगरद्वारा १०० जनालाई छात्रवृत्ति वितरण

यस आवमा खानेपानी पाइपलाइनको काम गरिने उपभोक्ता संस्थाका सचिव नारायणप्रसाद अधिकारीले बताए । पाइपलाइनका लागि खाल्डो खन्ने, पुर्ने र धारा जडान गर्ने काम जनसहभागितामा हुने अधिकारीको भनाइ छ । संस्थाले यही वर्ष सदस्यतासमेत वितरण गर्ने उनले बताए ।

माडी नगरपालिका वडा नं १ र २ लाई खानेपानी वितरण सकेपछि छिमेकी वडाका केही स्थानमा पनि वितरण गरिने उनले बताए । यस आयोजनाले २४सै घन्टा पानी वितरण गर्ने उनले जानकारी दिए ।

याे पनि पढ्नुस  माडीमा ओली प्रचण्ड पुग्नु अगाडि जे देखियो फोटोफिचर

आयोजनामा दुईवटा बोरिङ राखिने भनिए पनि हाल एउटामात्रै राखेर यसै आवभित्र खानेपानी वितरण गर्ने योजना रहेको खानेपानी तथा सरसफाइ डिभिजनका इन्जिनियर भरतप्रसाद पोखरेलले जानकारी दिए । एउटा बोरिङले प्रतिसेकेन्ड २० देखि २५ लिटर पानी तान्न सक्ने उनको भनाइ छ ।यसबाट हाल माडी १ र २ का १५ सय घरधुरीलाई खानेपानी वितरण गरिन्छ । खानेपानी वितरण सुरू भएपछि अर्को बोरिङ थपिने उनको भनाइ छ ।

कमेन्ट गर्नुहोस्