मलेसियाद्वारा कुवेतलाई १६३ रनको लक्ष्य, नेपालको खेल भोलि

काठमाडौं, साउन ६ । सिंगापुरमा आजदेखि सुरु भएको आइसीसी टी–२० विश्वकप एसिया फाइनल छनोट २०१९ को दोस्रो खेलमा मलेसियाले कुवेतलाई १६२ रनको लक्ष्य दिएको छ । टस जितेर पहिला ब्याटिङ गरेको मलेसियाले निर्धारित २० ओभरमा सबै विकेट गुमाएर १६२ रन बनायो ।

उसका लागि शाफिक शरिफले ३८, अमिनुद्दिन रम्लीले ३३, सायद अजिजाले ३८, कप्तान अहमद फैजले १५ रन बनाउनुबाहेक अन्यले दोहोराे अंकमा रन जोड्न सकेनन् । बलिङमा कुवेतका मोहम्मद हसनले २, मुहम्मद कशिफ, लायस अहमद, सिराज खान र महोम्मद अश्लामले एकएक विकेट लिए ।

आजै भएको पहिलो खेलमा सिंगापुर विजयी भएको छ । कतारलाई ३४ रनले हराउँदै पहिलो खेलमा सिंगापुर विजयी भएको हो । सिंगापुरले दिएको १८७ रनको लक्ष्यका साथ जवाफी ब्याटिङमा आएको कतारले निर्धारित २० ओभरमा ९ विकेट गुमाएर १५३ रन बनायो । उसका लागि मोहम्मद रिजलनले अविजित ३३, कप्तान तमूर सजादले ३८, मोहम्मद तनबीरले २६, फैसल जाभिदले २९ र इनमउल हकले ११ रन बनाउनुबोहक अन्यले दोहोरो अंकमा रन जोड्न सकेनन् । बलिङमा सिंगापुरका जनक प्रकाश, अम्जाद महबुबले ३–३, सेलादोरे विजयकुमार, चेतन शूर्यवंशी र विनोथ भास्करले एकएक विकेट लिए ।

याे पनि पढ्नुस  टि–२० विश्वकप छनोटः कुवेतविरुद्व मलेसियाको शानदार जित

यसअघि घरेलु मैदानमा टस जितेर पहिला ब्याटिङ गरेको सिंगापुरले निर्धारित २० ओभरमा ७ विकेट गुमाएर १८६ रन बनायो । उसका लागि सुरेन्द्रन चन्द्रमोहनले ४७, टिम डभिडले ३८, मनप्रीत सिंहले ३४, रोहन रंगर्जानले ३२, अनिस प्रणामले १० रन बनाए । बलिङमा कतारका इकबाल हुसैनले ४, नुवाव सरवारले २ र तमूर सजादले एक विकेट लिए ।

राउण्ड रोविनका बधारमा हुने यस क्वालिफायरमा सबै टिमले एक आपसमा खेल्नेछन् र अन्तिममा धेरै अंक जोड्ने टिम च्याम्पियन बन्नेछ । सोही टिमले यो ट्रफी जित्नेछ र अक्टोबर–नोभेम्बरमा युएईमा हुने ग्लोबल क्वालिफायरमा स्थान बनाउनेछ। यूएईमा हुने क्वालिफायर सन् २०२० मा अष्ट्रेलियामा हुने टी–२० विश्वकपको लागि अन्तिम चरणको क्वालिफायर समेत हो। विश्वकप छनोट अन्तर्गत एसिया फाइनल अन्तर्गत नेपालले पहिलो खेल कतारविरुद्ध खेल्दै छ । यी दुई टिमबीचको खेल २३ जूलाईमा हुँदैछ ।

याे पनि पढ्नुस  टि–२० विश्वकप छनोटः कुवेतविरुद्व मलेसियाको शानदार जित

यस्तै नेपालले दोस्रो खेलमा मलेसियाविरुद्ध २४ जुलाई, २७ जुलाईमा कुवेत र २८ जूलाईमा सिंगापुरसँग खेल्ने छ । एसिया फाइनलमा नेपालसहित सिंगापुर, मलेसिया, कतार र कुवेत पनि छन् । एसिया फाइनल खेल्ने पाँच राष्ट्र मध्ये नेपाल मात्र एकदिवसीय मान्यता प्राप्त पाए देश हो । अन्य टिमभन्दा नेपाललाई बलियो मानिएकाले उपाधि जित्दै ग्लोबल छनोटमा पुग्ने आकलन पनि गरिएको छ ।

याे पनि पढ्नुस  टि–२० विश्वकप छनोटः कुवेतविरुद्व मलेसियाको शानदार जित

आईसीसी वरियतामा नेपाल ११ औं स्थानमा छ । नेपालपछि वरियतामा कतार २१ औं स्थानमा छ । यस्तै आयोजक सिंगापुर २३ औं, कुवेत २८ औं र मलेसिया ३५ औं स्थानमा रहेका छ । एसिया फाइनलको शीर्ष स्थानमा रहने टिमले आउँदो नोभेम्बरमा यूएईमा हुने आईसीसी टि–२० विश्वकप छनोटमा स्थान पक्का गर्नेछ ।

क्षेत्रिय छनोटबाट आएका अफ्रिका, अमेरिका, एसिया, युरोप र पूर्वी एसिया प्यासिफिकका राष्ट्रसंगै गत संस्करणको टि–२० विश्वकप खेलेका राष्ट्र हङकङ, आयरल्याण्ड, नेदरल्याण्ड, ओमान, स्कटल्याण्ड, आयोजक युएई र जिम्बाबे गरि १४ राष्ट्रको सहभागिता हुने छन् । विश्वकप छनोटमा शीर्ष ६ स्थान सम्मका राष्ट्रले आगामी बर्ष अस्ट्रेलियामा हुने आईसीसी टि–२० विश्वकपमा सहभागिता जनाउने मौका पाउने छन् ।

कमेन्ट गर्नुहोस्