मेयर रेनु दाहालकाे कठाेर निर्णय: काम नगर्ने आधा दर्जन ठेकेदार कालाेसूचिमा पर्ने

भरतपुर, साउन ७ । भरतपुर महानगरपालिका मेयर रेनु दाहालले सम्झौता बमोजिम काम नगर्ने ठेकेदारमाथि कठा कार्वाही गर्ने निर्णय गरेकी छिन् । नगरकार्यपालिकाको आज बसेको ३१ औं बैठकले ठेक्का सम्झौता तथा सर्तअनुसार काम नगर्ने ठेकेदार र निर्माण कम्पनीलाई कालो सूचिमा राख्ने निर्णय गरेको हाे ।

यो निर्णय कार्यान्वयनसँगै आधा दर्जन बढी कम्पनीमाथि कार्वाही हुने देखिन्छ । गत आर्थिक बर्षमा तोकिएको समयसीमा र सर्तअनुसार काम नगरेका यस्ता ठेकेदार र निर्माण कम्पनीको सूचि तयार गरी कारवाही अघि बढ्ने छ ।

महानगर प्रमुख रेनु दाहालले कतिपय ठेकेदार र निर्माण ब्यवसायीको लापरवाहीका कारण काममा समस्या आएकोले याे कदम चाल्नु परेकाे बताइन् । ‘तोकिएको समय कटाउने र कम गुणस्तरको काम गर्ने छुट कसैलाई छैन्, त्यस्तालाई कालो सुचीमा राख्नुको बिकल्प छैन’ प्रमुख दाहालकाे भनाई छ ।

महानगरपालिकाको वोर्ड बैठकले नारायणगढमा निर्माण गर्न लागिएको वहुउदेश्यीय ब्यवसायीक भवनका लागी नगर बिकास कोष संग ऋण सहयोग माग गर्ने निर्णय गरेको छ । करिव एक अर्व १० करोडको लगानीमा महानगरले भवन निर्माण गर्न लागेको छ ।

यस भवनका लागी ३० प्रतिशत लगानी रकम भने महानगर आफैले बेहोर्ने निर्णय भएको प्रमुख दाहालले जानकारी दिइन् । बैठकले आर्थिक बर्ष २०७६–०७७ को नीति कार्यक्रम पुस्तिका प्रकाशन गर्ने निर्णय गरेको छ ।

साथै नगरसभाको क्रममा बाँडफाड गरिएको बिषयगत समितिमा आज जिम्मेवारी पनि बिभाजन गरिएको छ । नेकपालाई ६ र नेपाली काँग्रेसलाई ४ वटा हुने गरी समिति बाँडफाँड भएको थियो ।

कमेन्ट गर्नुहोस्