भारतीय ट्रकले नेपालीलाई किचेपछि सीमा क्षेत्रमा तोडफोड र आगजनी

विराटनगर, साउन १० । भारतबाट कच्चा पदार्थ बोकेर आएको ट्रकले मोटरसाइकललाई ठक्कर दिँदा चालकको मृत्यु भएपछि विराटनगर महानगरपालिका-१५ रानी क्षेत्रमा बिहीबार तनाव भएको छ।

दुर्घटनामा मोटरसाइकल चालक विराटनगर-१५ का २२ वर्षीय अमर सिंहको घटनास्थलमै मृत्यु भएपछि रानी बसपार्क क्षेत्र तनावग्रस्त बनेको हो। एन एल ०१ डी ३६९० नम्बरको ट्रकलाई ओभरटेक गर्ने क्रममा बीआर ३८ आर ३२१३ नम्बरको मोटरसाइकलका चालक सिंहको मृत्यु भएको मोरङ प्रहरी प्रवक्ता डीएसपी राजकुमार खिउजुले जानकारी दिए।

याे पनि पढ्नुस  झरनाबाट खस्दा सैनिक श्रेष्ठको मृत्यु

स्थानीयले मोटरसाइकललाई ठक्कर दिने ट्रकसहित २२ वटा मालबहाक सवारी साधनमा तोडफोड गरेको प्रहरीले जनाएको छ। भारतबाट औद्योगिक कच्चा पदार्थ तथा पेट्रोलियम पदार्थ (इन्धन) लोड गरेर आएका गाडी र ट्यांकरहरु तोडफोड गरिएका हुन्। तोडफोड गरिएका मध्ये आठवटा नेपाली र १४ वटा भारतीय नम्बर प्लेटका सवारी साधन छन्। बिहीबार रातिसम्म आन्दोलनका कारण रानी-विराटनगर सडकखण्ड ठप्प बन्यो। अन्नपूर्ण पोष्ट दैनिकबाट

याे पनि पढ्नुस  अटो टेम्पोमै एक जनाको मृत्यु

कमेन्ट गर्नुहोस्