समाजवाद धेरैभन्दा धेरै जनता केन्द्रित भए गरिने क्रान्ति होः अध्यक्ष प्रचण्ड (भिडियोसहित)

ललितपुर, साउन १३ । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले समाजवाद धेरैभन्दा धेरै जनता केन्द्रित भएर गरिने क्रान्ति भएको बताएका छन् ।

अध्यक्ष प्रचण्डले वर्तमान संघीय लोकतान्त्रिक गणतन्त्र उल्ट्याउन पाए हुन्थ्यो भन्नेमा प्रतिक्रियावादी रहेको बताए । अध्यक्षले भने, ‘यो व्यवस्था नै उल्टियो भने नेपाल नै बर्बाद हुने खतरा छ ।’ जनता र राष्ट्रलाई माया गर्ने र परिवर्तनलाई रुचाउने सबै इमान्दार नेता तथा कार्यकर्ता एक ठाउँमा एकतावद्ध भएर यो व्यवस्थाको रक्षा गर्नुपर्ने अध्यक्षले बताए ।

याे पनि पढ्नुस  विप्लवका ब्यूरो सदस्यसहित दर्जन नेता तथा कार्यकर्ता नेकपामा प्रवेश

सोमबार अध्यक्ष निवास खुमल्टारमा विप्लव समुह परित्याग गरी नेकपामा प्रवेश गर्ने सो समुहका ब्यूरो सदस्य तथा बारा जिल्लाका पूर्व सचिव रमण घिमिरे लगायतका नेता तथा कार्यकर्ताहरुलाई पार्टीमा स्वागत गर्दै यस्तो बताएका हुन् ।

अध्यक्षले भने, ‘संघीय लोकतान्त्रिक गणतन्त्र ल्याउने नेताहरु विरुद्ध षडयन्त्र र प्रचार गरेर सिध्याइयो भने व्यवस्था पनि सिध्याउन सकिन्छ भन्नेमा प्रतिक्रियावादी रहेका छन् । संघीय लोकतान्त्रिक गणतन्त्र रहँदासम्म आफूहरु कोही पनि कमजोर नहुने उनको भनाई थियो ।

याे पनि पढ्नुस  नेकपाका अध्यक्ष दाहालले दिए माघे सङ्क्रान्तिको शुभकामना

अध्यक्ष प्रचण्डले भने, ‘हामीले खोजेको यो भन्दा धेरै थियो, अहिलेको देश, विश्व र शक्ति सन्तुलनले गर्दा प्राप्त उपलब्धीमा टेकेर अगाडि जाने भनेर आएको हो ।’ अध्यक्षले क्रान्ति दुई–चार जनाको रहरले हुने कुरा नभएको बताए । अध्यक्ष प्रचण्डले पार्टीमा प्रवेश गर्ने नेता तथा कार्यकर्ताहरुलाई उचित जिम्मेवारी दिने बताए । नवप्रवेशी नेता रमण घिमिरेले आफूले बाटो बिराएको महशुस भएपछि विप्लव समुह परित्याग गरेको बताए ।

याे पनि पढ्नुस  नेकपा संकटमा ‘आइसब्रेक’

प्रवेश गर्ने नेता तथा कार्यकर्ताहरुः
१. रमण घिमिरे
२. आवास मन्सुरी
३. सुरेश कुमार यादव
४. विनोद केसी
५. सुवास तिवारी
६. राजकुमार केसी खत्री
७. सन्दिपकुमार कार्की
८. नमराज शर्मा

कमेन्ट गर्नुहोस्