ग्लोबल आइएमई बैंकमा ९.९९ % मै घर कर्जा

काठमाडौं । ग्लोबल आइएमई बैंकले ९.९९ प्रतिशत ब्याजदरमा तीन दिनभित्र घर कर्जा दिने योजना ल्याएको छ। घर कर्जा आवेदन प्रक्रिया पूरा भएको तीन कार्य दिनभित्र कर्जा प्रवाह गरिने बैंकले जनाएको छ।

सस्तो तथा सरल किस्ताबन्दीमा घर बनाउने, खरिद गर्ने तथा अन्य बैंक बित्तीय संस्थाबाट उपभोग गरिरहेको कर्जा सार्ने प्रयोजनाको लागि आम ग्राहकलाई लक्षित गरी यस्तो योजना ल्याएको हो।

याे पनि पढ्नुस  जनतासँग हात मिलाएको ग्लोबल आईएमईको आकर्षक प्रगति

यस योजना अन्तर्गत सेवाग्राहीले १५ वर्षसम्मको अवधिका लागि एक करोड ५० लाख रुपैयाँसम्म कर्जा दिन पाउने छन्।

यो योजना निश्चित अवधिको लागि रहेन र बैंकका सबै शाखाबाट उपलब्ध हुने बैंकले जनाएको छ। बैंकका अनुसार ग्राहकको सुविधालाई मध्यनजर गर्दे बैंकले यस्ता सरल तथा सहज किसिमका कर्जा योजना ल्याइरहेको हो।

याे पनि पढ्नुस  ग्लोबल र जनता बैंकबाट सुरु भयो ‘बिग मर्जर’, आजदेखि एकीकृत कारोबार

ग्लोबल आइएमई बैंकले सबै क्षेत्र र वर्गसम्म बैंकिङ सेवाको पहुँच पुर्याउने उद्द्श्यले विभिन्न स्थानमा शाखा, एक्सटेन्सन काउण्टर, तथा शाखा रहित बैंकिङ सेवा प्रदान गर्दै आएको जनाएको छ।

बैंकले हाल १३८ वटा शाखा, २८ वटा एक्सटेन्सन काउण्टर तथा राजश्व संकलन काउण्टर, १४८ एटिएम, १७१ शाखा रहित बैंकिङ सेवा र नेपाल बाहिर तीन वटा सम्पर्क कार्यालय मार्फत आफ्ना ११ लाख भन्दा धेरै ग्राहकलाई सेवा दिँदै आएको छ।

याे पनि पढ्नुस  जनतासँग हात मिलाएको ग्लोबल आईएमईको आकर्षक प्रगति

बैंकले नेपाल बाहेक अष्ट्रेलिया, बेलायत र भारतमा सम्पर्क कार्यालय खोलेर बैंकिङ सुविधा दिँदै आएको बिज्ञप्तीमा उल्लेख छ। बिजमाण्डूबाट साभार

कमेन्ट गर्नुहोस्