Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

यी हुन् नर्सहरुले हजारौं डलर मासिक तलब बुझ्ने १० देश

नर्सहरुको पेशामा आइपर्ने ठूलो समस्यामा उनीहरुले पाउने सेवा सुविधा पनि हो । कतिपय स्वास्थ्य संस्थामा नर्सहरुले काम अनुसारको दाम नपाएको गुनासो गरेको पाइन्छ । तर बिरामीको पहिलो सम्पर्क हुने र अस्पतालको महत्वपूर्ण पक्षका रुपमा रहेका नर्सहरुले कतिपय देशमा भने निकै आकर्षक तलब पाउने गरेका छन् ।

लक्जमवर्ग :
विश्वमा कामदारको निकै राम्रो पारिश्रमिक हुने देशहरुमध्ये पहिलो नम्बरमा लक्जमवर्ग रहेको छ । यो देशमा अन्य पेशासँगै नर्सहरुको वार्षिक औसत कमाइ पनि निकै आकर्षक रहेको छ । उनीहरुको तलब वार्षिक १ लाख ५ हजार ७ सय ४९ अमेरिकी डलर रहेको छ । जुनियर नर्सहरुले समेत सुरुवातमा नै वार्षिक औषत ६० हजार डलर कमाउँछन् ।

आइसल्याण्ड : नर्सको राम्रो कमाइ हुने देशहरुमध्ये आइसल्याण्ड दोस्रो स्थानमा रहेको छ । यहाँको सरकारले स्वास्थ्य क्षेत्रको विकासमा लागि निकै जोड दिएको छ । यहाँ नर्सहरुले वार्षिक औसत ८७ हजार ६ सय ३५ अमेरिकी डलर कमाउँछन् ।

अमेरिका : विश्वका उत्कृष्ट व्यक्तिहरुलाई आकर्षित गरिरहेको अमेरिकाले डाक्टर र नर्सहरुलाई निकै राम्रो सेवा सुविधा र पारिश्रमिक दिइरहेको छ । अमेरिकामा नर्सले वार्षिक ७४ हजार २ सय ५० अमेरिकी डलर कमाउँछन् ।

अष्ट्रेलिया : नर्सहरुका लागि अर्को आकर्षक गन्तव्य अष्ट्रेलिया पनि हो । अष्ट्रेलियामा नर्सहरुको वार्षिक औसत ७२ हजार २ सय ७१ अमेरिकी डलर पारिश्रमिक पाउँछन् ।

नर्वे : गुणस्तरीय सेवा दिन सफल नर्वेमा प्रायः सबै कामदारले आकर्षक पारिश्रमिक पाउँछन् । यहाँ नर्सको औसत वार्षिक तलब ६६ हजार ६ सय ४७ अमेरिकी डलर रहेको छ । उनीहरुले विशेष सीपका आधारमा यो भन्दा धेरै पनि कमाउन गर्छन् ।

इजरायल : इजरायलमा कामदारको पारिश्रमिक त्यति राम्रो नमानिए पनि स्वास्थ्य क्षेत्रमा कार्यरत व्यक्तिलाई भने यहाँ निकै आकर्षक पारिश्रमिक प्रदान गरिन्छ । यहाँ नर्सहरुले वार्षिक औसत कमाइ ६३ हजार ५ सय ४१ अमेरिकी डलर रहेको छ ।

नेदरल्याण्ड्स : युरोपेली देशहरुमध्ये नेदरल्याण्ड्स एक हो । जहाँ स्वास्थ्यकर्मीले निकै आकर्षक पारिश्रमिक पाउँछन् । यहाँ नर्सहरुले वार्षिक औसत ६० हजार २ सय ५३ अमेरिकी डलर कमाउँछन् । यहाँ अस्पताल अनुसार नर्सहरुलाई अंग्रेजी, डच र स्थानीय भाषाको ज्ञान हुनु थप राम्रो मानिन्छ ।

स्वीटरजरल्याण्ड : दर्तावाला नर्सहरुको यहाँ वार्षिक पारिश्रमिक औषत ५८ हजार ४१ अमेरिकी डलर पाउँछन् । नर्सहरुमा पेशागत सीपसँगै अस्पताल अनुसार जर्मन, फ्रेन्च वा इटालियन भाषाको समेत ज्ञान हुन आवश्यक छ ।

रिपब्लिक अफ आयरल्याण्ड : आयरल्याण्डमा सरकारी स्रोतमा सञ्चालित अस्पतालमा कार्यरत नर्सहरुको वार्षिक पारिश्रमिक औसत ५७ हजार ६ सय ६३ अमेरिकी डलर रहेको छ । केहि प्राइभेट सेक्टरमा योभन्दा बढी समेत रहेको छ ।

न्युजिल्याण्ड : नर्स र डाक्टरहरुका लागि न्युजिल्याण्ड पनि निकै राम्रो गन्तव्य मानिन्छ । यहाँ नर्सले वार्षिक औसत ५६ हजार ३ सय १८ अमेरिकी डलर कमाउँछन् ।

कमेन्ट गर्नुहोस्

%d bloggers like this: