रिक्त ५० स्थानमा मंसिर १४ गते उप निर्वाचन गर्न आयोगको सिफारिस

काठमाडौँ, प्रतिनिधिसभा, प्रदेशसभा र स्थानीय तहमा रिक्त रहेका निर्वाचन क्षेत्रमा आगामी मसिंर १४ गते शनिबार निर्वाचन गराउन निर्वाचन आयोगले सिफारिस गरेको छ । राजनीतिक दलहरुसँग छलफल गरेपछि आयोगले सरकारलाई राय दिएको हो ।

आयोगको रायका आधारमा सरकारले यसबारेमा निर्णय गर्नेछ ।

याे पनि पढ्नुस  शुरु भयाे उप निर्वाचनका लागि दल दर्ता प्रक्रिया

तीनवटै तहका रिक्त कुल ५० स्थानमा एकै दिन निर्वाचन गराउन आयोगको सुझाव छ। प्रतिनिधिसभा सदस्य–१, प्रदेशसभा सदस्य–३, नगरपालिका प्रमुख– १, गाउँपालिका अध्यक्ष–३, गाउँपालिका उपाध्यक्ष–१ र वडाध्यक्ष–४१ पदहरु रिक्त छन्। तीनवतै तहको निर्वाचन २०७४ सालमा भएको थियो।

स्थानीय तहको निर्वाचनको मिति आयोगको परामर्शमा सरकारले तथा प्रतिनिधिसभा र प्रदेशसभा उपनिर्वाचनको मिति सरकारसँगको परामर्शमा आयोगले तोक्ने कानुनी प्रावधान छ। सरकारले स्थानीय तहको मिति तोकेपछि सोही दिन प्रतिनिधिसभा र प्रदेशसभाको निर्वाचन गराउने गरी मिति तोक्ने आयोगको तयारी छ।

कमेन्ट गर्नुहोस्