नख्खु कारागारमा कैदीबीच कुटाकुट, एक जनाको ज्यान गयो

ललितपुर, साउन १७ । ललितपुरको नख्खु कारागारमा कैदबीच कुटाकुट हुँदा एक जनाको ज्यान गएको छ । शुक्रबार दिउँसो दुई कैदीबीचको विवादले उग्ररुप लिएपछि भएको कुटाकुटमा जग्गा मुद्दामा सजाय काटिरहेका पूर्णबहादुर राजीको ज्यान गएको हो । नेपाल प्रहरीका प्रवक्ता डिआइजी विश्वराज पोखरेलका अनुसार राजीको वीर अस्पतालमा उपचारका क्रममा ज्यान गएको हो।

याे पनि पढ्नुस  राष्ट्रपति भण्डारीद्वारा ३२९ जनाको कैद मिनाहा

नख्खुका अर्का कैदी पवनकुमार महतोले आक्रमण गर्दा घाइते भएका पूर्णबहादुरलाई उपचारका लागि वीर अस्पताल लगिएपछि ज्यान गएको डिआइजी पोखरेलले जानकारी दिए । कुटपिट गर्ने पवनकुमारलाई प्रहरीले नियन्त्रणमा लिइसकेको छ। नख्खुमा नेत्रविक्रम चन्द विप्लवका स्थायी कमिटी सदस्य हेमन्त प्रकाश वली र केन्द्रीय सदस्य माइला लामालाई पनि राखिएको छ।

कमेन्ट गर्नुहोस्