अमेरिकामा फेरि अर्को बन्दुक आक्रमण, ९ जनाको ज्यान गयो

बीबीसी । अमेरिकाको ओहायो राज्यको प्रहरीका अनुसार ओरेगनमा भएको बन्दुक आक्रमणमा नौ जनाको मृत्यु भएको र कम्तीमा १६ जना घाइते भएका छन्।

ओरेगनको डेटनस्थित एउटा मदिरालयबाहिर भएको उक्त घटनाबारे पहिलो विवरण स्थानीय समयानुसार १:०० बजे (नेपाली समयानुसार बिहान १०:४५ बजे) प्राप्त भएको थियो।

आक्रमणकारी प्रहरी कारबाहीमा मारिएको प्रहरीले पुष्टि गरकेो छ। घटनामा हताहत भएकाहरूलाई स्थानीय अस्पलातमा लगिएको छ।

याे पनि पढ्नुस  अमेरिकामा कारले ठक्कर दिँदा एक नेपालीको मृत्यु

टेक्सस राज्यको एल पासोमा २० जनाको ज्यान जानेगरी बन्दुक आक्रमण भएको २४ घण्टाभित्रै ओहायो राज्यमा पनि उस्तै प्रकृतिको यो घटना भएको छ।
डेटन प्रहरीले गोली चल्न थालेको केही बेरमै सुरक्षाबल त्यहाँ पुगेर सो घटनालाई तत्कालै अन्त्य गरिएको दाबी गरेको छ।

सरकारी निकायले प्रत्यक्षदर्शीहरूलाई घटनाबारे जानकारी दिन आह्वान गरेको छ। सामाजिक सञ्जालमा प्रेषित भिडिओमा दर्जनौँ गोली चलेको आवाज सुनिन्छ र मानिसहरू दौडिँदै गरेको देखिन्छ। ई फिफ्थ स्ट्रीटस्थित नेड पेपर्स बारबाहिर गोली चलेको बताइन्छ।

याे पनि पढ्नुस  कोरोना अपडेटः अमेरिकामा एकैदिन २३ सय बढीको मृत्यु, मृतकको संख्या ५० हजार नजिक

सो बारले इन्स्टाग्राम पेजमा आफ्ना कर्मचारी सुरक्षित रहेको उल्लेख गरेको छ। नजिकै रहेको होल इन द वाल बारले पनि आफ्नो फेसबुक पेजमा उही बेहोराको सूचना प्रेषित गरेको छ।

जे विलीअम्जले आफूलाई नजिकै र्‍याप कार्यक्रममा सहभागी भएको बेला घटनाबारे सूचना दिइएको बीबीसीलाई बताए। “म एकदमै स्तब्ध भएँ,” उनले भने,” हामी सबैले तत्कालै र सुरक्षित रूपमा ठाउँ खाली गर्‍यौँ। हामीलाई ओरेगनतिर नजान भनियो।”

याे पनि पढ्नुस  अमेरिकाले एशियामा मिसाईल केन्द्र राख्ने, टार्गेट- चीन र उत्तर काेरिया

“म मेरो गाडीमा गएँ। मैले प्रहरी र धेरै एम्बुलेन्स देखेँ। गाडीमा जाँदै गर्दा मैले अझ धेरै प्रहरी र एम्बुलेन्स देखेँ।”

घटनाबारे अनुसन्धानमा सघाउन सङ्घीय जाँच ब्यूरो एफबीआईका गुप्तचरहरू पनि घटनास्थलमा पुगेका छन्।

कमेन्ट गर्नुहोस्