साउन १६ गते १८ वर्ष पुगेकालाई मताधिकार

काठमाडौंं, साउन २२ । निर्वाचन आयोगले आगामी मङ्सिर १४ गते हुने उपनिर्वाचनमा मतदान गर्न यही साउन १६ गतेसम्म १८ वर्ष उमेर पुगेकाले मात्रै मतदान गर्न पाउने निर्णय गरेको छ । प्रतिनिधि सभा सदस्य, प्रदेश सभा सदस्य र स्थानीय तह गरी ५० रिक्त पदमा मङ्सिर १४ मा उपनिर्वाचन हुने छ ।

याे पनि पढ्नुस  आयोगः कूटनीतिक नियोगका पदाधिकारीलाई उपनिर्वाचनबारे जानकारी

आयोगका प्रमुख निर्वाचन आयुक्त दिनेशकुमार थपलियाको अध्यक्षतामा आइतबार बसेको आयोगको बैठकले मतदाताको उमेर १८ वर्ष पूरा भएको मिति (कट अफ डेट) तोकेको हो । मतदाता नामावली ऐनअनुसार निर्वाचनको मिति घोषणा भएको दिन मतदाता नामावलीमा नाम दर्ता भएका र १८ वर्ष उमेर पुगेकालाई मात्रै मताधिकार प्राप्त हुने व्यवस्था छ ।

याे पनि पढ्नुस  जित्नेलाई माला लगाउने असल संस्कारलाई प्रोत्साहन गरौंः प्रमुख निर्वाचन आयुक्त

आयोगका सहसचिव एवं प्रवक्ता शङ्करप्रसाद खरेलका अनुसार आयोग बैठकले जिल्ला निर्वाचन कार्यालय, जिल्ला प्रशासन कार्यालय र इलाका प्रशासन कार्यालयमा सञ्चालन भइरहेको मतदाता दर्ता कार्यलाई आयोगबाट अर्को निर्णय नभएसम्मका लागि रोक्ने निर्णय पनि गरेको छ । उपनिर्वाचनका लागि अब मतदाता नामावलीमा नाम समावेश गर्न नपाइने कानुनी प्रावधान छ । यो समाचार आजको गोरखापत्र दैनिकमा छापिएको छ ।

कमेन्ट गर्नुहोस्