प्रदेश २ः लोकसेवा विधेयक पारित, कर्मचारी भर्नाको बाटो खुल्यो

जनकपुरधाम, साउन २२ । प्रदेश २ को प्रदेशसभाले लोकसेवा विधेयक सर्वसम्मतले पारित गरेको छ । विधेयकमाथि नेपाली कांग्रेसका प्रदेशसभा सदस्य शिवचन्द्र चौधरी र गोविन्द न्यौपानेको प्रश्नको जवाफ मुख्यमन्त्री लालबाबु राउतले दिएपछि निर्णयार्थ प्रस्तुत गरिएको विधेयक सर्वसम्मतिले पारित भएको हो ।

याे पनि पढ्नुस  कर्मचारी भर्नाका लागि लोकसेवाले थाल्यो आवश्यक तयारी

कर्मचारी अभावको कारण सरकार प्रभावकारी रुपले काम गर्न नसकेको बताउँदै मुख्यमन्त्री राउतले विधेयक पारित भएपछि आफ्नै कर्मचारी भर्ना गरेर सरकार सञ्चालन सहज बनाउने बताए । लोकसेवा आयोगको विधेयक पारित भएपछि प्रदेश सरकारले कर्मचारी भर्ना गर्ने बाटो खुलेको छ ।

यसअघि प्रदेश सरकारले प्रहरी विधेयक पारित गरे पनि लोकसेवा आयोग नभएका कारण प्रहरी भर्ना गर्न सकेको थिएन ।

कमेन्ट गर्नुहोस्