Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

रक्तचापपीडितलाई लसुन कति उपयोगी ?

काठमाडौं, साउन २३ । अझै बूढापाकाहरू गाउँघरमा दिनहुँ लसुन खाने सल्लाह दिन्छन् । उहाँहरूको अनुभवलाई भने अव विज्ञानले समेत सही ठहराएको छ ।
लसुनको प्रभावकारिता देखेपछि हाल केही विशेषज्ञहरू दिनहुँ लसुनको एउटा पोको खाने सल्लाहसमेत दिन थालेका छन् । विज्ञान पत्रिका ‘मटुरिटास’ मा केही समयअघि प्रकाशित अनुसन्धानअनुसार लसुन उच्च रक्तचापको उपचारमा फाइदा गर्न सक्छ ।

यो अनुसन्धान गर्न आस्ट्रेलियाको चिकित्सकहरूले ५० यस्तो रोगीलाई भर्ना लिए जसको रक्तचाप उपचार गर्दा पनि कम हुने गरेको थिएन । अनुसन्धानमा सम्लग्नमध्ये केहीलाई औषधिसँगै लसुनको चारवटा क्याप्सुलसमेत ख्वाइयो । अध्ययनअन्तर्गत पाइयो कि औषधिसँगै लसुनसमेत सेवन गर्ने रोगीको रक्तचाप अन्य रोगीको दाँजोमा कम थियो ।

ब्रिटिस हार्ट फाउन्डेसनका अनुसार यो मामिलामा एउटा अझ अनुसन्धानको आवश्यकता छ । पहिले समेत मुटुका लागि लसुन फाइदाकारी रहेको कुरा भनिँदै आएको छ । ‘यो पहिलेदेखि नै थाहा थियो कि लसुन उच्च रक्तचापका रोगीहरूको दबाबलाई कम गर्न सहयोग गर्छ, अनुसन्धानकर्ता करिन रिड भन्छन्, ‘हाम्रो अनुसन्धानले सबैभन्दा पहिले यो बताएको छ कि लसुन ती व्यक्तिहरूका लागि कति फाइदाकारी हुन सक्छ जसको उपचार त जारी छ तर उनीहरूलाई यसको लाभ प्राप्त हुँदैन ।’

विशेषज्ञहरूका अनुसार लसुनको प्रयोगभन्दा अघि चिकित्सकको सल्लाह भने अवश्य लिनुपर्छ किनभने यसको उपयोगले रगत पातलो हुनु सक्छ । सँगै यो पनि भनिएको छ कि अनुसन्धान एउटा सानो समूहमा गरिएको उपचार छोडेर मात्र लसुनमा निर्भर नगर्नुस् । यो सामाग्री कान्तिपुर दैनिकबाट लिइएको हो ।

कमेन्ट गर्नुहोस्

%d bloggers like this: