खाडीचौर–चरिकोट सडकखण्डको यस्तो छ दुर्दशा

दोलखा, साउन २३ । ठेकेदार कम्पनीको लापरबाही र डिभिजन सडक कार्यालयको हेलचेक्राईका कारण लामो साँगु–जिरी सडकको लामो साँगु–चरिकोट खण्डका विभिन्न ठाँउमा हिलो जमेर यात्रु तथा सवारी चालकलाई समस्या परेको छ । हिलोले सडक धान खेतको आलीजस्तो हुँदा दैनिक सयौं यात्रु र सडक आसपासका स्थानीयले सास्ती भोगिरहेका छन् ।

याे पनि पढ्नुस  दोलखामा जेसिबी दुर्घटना, एकको मृत्यु तीन घाइते

भारतीय एक्जिम बैङ्कको झण्डै एक अरब २४ करोड ऋण सहयोगमा ५५ किलोमीटरको लामो साँगु–चरिकोट सडक विस्तारको क्रममा बिभिन्न ठाँउमा थुपारिएको माटोका कारण अहिले सडक हिलाम्य बनेको हो ।

काठमाडौँ चरिकोटको १३३ किमीको दूरी तय गर्न १० घण्टाभन्दा बढी समय लाग्छ तर यस्तो संवेदनशील विषयमा सरोकारवाला निकायमात्र होइन, राजनीतिक दलहरुले पनि चासो दिएका छैनन् ।

याे पनि पढ्नुस  चीन–नेपाल र भारत जोड्ने सबैभन्दा छोटो नाका ओझेलमा

अन्यत्र जसोतसो सवारी चल्ने भएपनि सिन्धुपाल्चोक जिल्लाको सुनकोसी गाउँपालिका–६ टुकी कार्यालय डाँडादेखि लिसांखुपाखर–७ स्थित १८ किलो सम्मको सडकमा सवारी आवागमनमा मुख्य समस्या रहिआएको छ। गोरखापत्रदैनिकबाट

कमेन्ट गर्नुहोस्