जेहेन्दार र विपन्न विद्यार्थीका लागि भीमदत्त छात्रबृत्ति कोष

काठमाडौं, । भीमदत्त नगरपालिकाले विपन्न र जेहेन्दार विद्यार्थीलाई छात्रबृत्ति दिने भएको छ । यसका लागि चालु आर्थिक वर्षमा भीमदत्त छात्रबृत्ति कोष स्थापना गर्ने नीतिगत निर्णय गरिएको छ । भीमदत्त नगरपालिकाको पाँचौ नगर सभाबाट गरीब, जेहेन्दार र लक्षित समूहका विद्यार्थीलाई छात्रबृत्ति दिन छात्रबृत्ति कोष स्थापना गर्ने निर्णय पारित गरिएको थियो ।

भीमदत्त नगरपालिकाका निमित्त प्रमुख प्रशासकीय अधिकृत पुस्कर प्रसाद भट्टले नगर सभाको निर्णय अनुसार कोष सञ्चालनको मापदण्ड बनाएर छात्रबृत्ति वितरण गरिने बताए। ‘पाँचौ नगर सभाबाट गरीब, जेहेन्दार र लक्षित समूहका विद्यार्थीहरुलाई छात्रबृत्ति प्रदान गर्न भीमदत्त छात्रबृत्ति कोष स्थापना गर्ने निर्णय गरिएको छ’ निमित्त प्रमुख प्रशासकीय अधिकृत भट्टले भने, ‘नगर सभाको निर्णयका आधारमा आवश्यक मापदण्ड बनाएर छात्रबत्ति प्रदान गर्छौ ।’

याे पनि पढ्नुस  नेपालगञ्ज संक्रमणले थप संवेदनशील हुनुपर्ने अवस्था आयोः मेयर विष्ट

कमजोर आर्थिक अवस्थाले पढाईलाई निरन्तरता दिन नसक्ने विद्यार्थीहरुलाई सहयोगका लागि छात्रबृत्ति कोष स्थापना गरिएको निमित्त प्रमुख प्रशासकीय अधिकृत भट्टले बताए । उनले भने, ‘पढाईमा राम्रो भएर पनि आर्थिक अवस्था राम्रो नहुँदा विद्यार्थीहरुले पढाई निरन्तरता दिन सक्दैन, त्यस्तो अवस्थामा थोरै भए पनि पढाईलाई निरन्तरता दिन यो कोष स्थापना गरी छात्रबृत्ति दिन लागेका हौ ।’

याे पनि पढ्नुस  भीमदत्त नगरपालिकामा कोरोना नियन्त्रणका लागि भावी योजनाबारे छलफल

चालु आर्थिक वर्षदेखि विद्यार्थीलाई छात्रबृत्ति प्रदान गरिने निमित्त प्रमुख प्रशासकीय अधिकृत भट्टले बताउ। भीमदत्त नगरपालिकाले पाँचौ नगर सभाबाट चालु आर्थिक वर्षदेखि अनुदान वितरणका उपलब्धि र गुणस्तरका आधारमा विद्यालयहरुलाई थप अनुदान दिने व्यवस्था गरिएको छ ।

भीमदत्त नगरपालिकामा ५५ सामुदायिक, एक धार्मिक र ७१ संस्थागत विद्यालय सञ्चालनमा छन् । भीमदत्त नगरपालिकाका सूचना अधिकारी प्रशासकीय अधिकृत हरि सिह धामीले भीमदत्त छात्रबृत्ति कोषबाट गरीब, जेहेन्दार र लक्षित समूहका धेरै विद्यार्थीहरुले लाभ लिने बताए । ‘यो कार्यक्रम यस वर्षदेखि चालु हुन्छ र यो कार्यक्रम निरन्तर चलि रहन्छ’ सूचना अधिकारी धामीले भने । भीमदत्त अनलाइनबाट

कमेन्ट गर्नुहोस्