नेपालमा एक वर्षमा ५ हजारले गर्छन् आत्महत्या

काठमाडौंः नेपालमा वर्षेनी पाँच हजारभन्दा धेरै व्यक्तिले आत्महत्या गर्ने गरेका छन् ।

प्रेममा आफूले भनेजस्तो नहुनु, परीक्षामा आफूले भनेजस्तो नहुनु, परिवारबाट बारम्बार तनाव दिनुलगायतका समस्याले वर्षेनी ठूलो संख्यामा मानिसले आत्महत्या गर्ने गरेका हुन् ।

प्रहरी प्रधान कार्यालयले दिएको जानकारी अनुसार आर्थिक वर्ष २०७५–७६ मा पाँच हजार १५५ जनाले आत्महत्या गरेका छन् । आत्महत्याका विभिन्न रूप भए पनि झुण्डिएर सबैभन्दा धेरै व्यक्तिले आत्महत्या गर्दछन् ।

याे पनि पढ्नुस  नेपाल पहिलो पटक साख परीक्षण गराउँदै

आव २०७५–७६ मा झुण्डिएर तीन हजार ८६३, विष खाएर एक हजार १८२, हामफालेर ४७, पानीमा हाम फालेर २३, आगो लगाएर २२, हात हतियारबाट १३, करेन्ट लगाएर चार र विष्फोटक पदार्थ प्रयोग गरेर एक जनाले आत्महत्या गरेका छन् ।

केन्द्रीय प्रहरी प्रवक्ता एवं प्रहरी नायब महानिरीक्षक विश्वराज पोखरेलले घरायसी तनाव र प्रेम सम्बन्धमा बाधा पुग्दा धेरै व्यक्तिले आत्महत्या गर्ने गरेको बताए । मानिसमा हुने तनावलाई कम नगरेसम्म आत्महत्यामा कमी नआउने उनको भनाइ छ ।

याे पनि पढ्नुस  ११ वर्षीय बालकले गरे घरभित्रै झुन्डिएर आत्महत्या

आव २०७४–७५ को तुलनामा आव २०७५–७६ मा आत्महत्या गर्नेको संख्यामा कमी आएको छ । आव २०७४–७५ मा पाँच हजार ३१७ ले आत्महत्या गरेका थिए ।

काठमाडौं उपत्यकामा आव २०७५–७६ मा ५३९ ले आत्महत्या गरेका छन् । उपत्यकामा आव २०७४र०७५ मा ५०६ ले विभिन्न कारणले आत्महत्या गरेका थिए । रासस

याे पनि पढ्नुस  लक्ष्मण पन्तले ल्याए ‘नेपाल, भारत र छिमेकः चार दशकका मुख्य घटना’ पुस्तक

कमेन्ट गर्नुहोस्