१३ वर्षीय बालक ३ दिनदेखि बेपत्ता

काठमाडौंः  भक्तपुरको बालकोट बस्दै आएका १३ वर्षीय बालक जेन्सल रावल तीन दिनदेखि बेपत्ता भएका छन् । बुद्धनगरमा रहेको के.एम.सी स्कुलमा कक्षा ८ मा अध्ययनरत रावल शनिबार विहान साँढे ८ बजे घरबाट निस्किएका थिए ।

रावलले बेपत्ता हुनुअघि १८ वर्षीय अभिषेक बस्याललाई भेटेको पाइएपछि प्रहरीले अनुसन्धानका लागि बस्याललाई पक्राउ गरेको छ ।

याे पनि पढ्नुस  क्वारेन्टाइनमा लगिएका व्यक्ति कर्णाली नदीमा बेपत्ता

अभिभावकले वेपत्ता हुनुअघि सँगै रहेका अभिषेक बस्याललाई घटनाबारे थाहा भएको दावी गरेका छन् भने बस्यालका परिवारले भने अस्वीकार गरेका छन् ।

काठमाडौं प्रहरी परिसर टेकु र अपराध अनुसन्धान व्यूरोले जेन्सनको खोजी गरिरहेको भए पनि पत्ता लाग्न नसकेको अभिभावकले बताएका छन् ।

याे पनि पढ्नुस  बेपत्ता तथा सत्य निरुपण आयोगका सम्भाव्य पदाधिकारीको नाम सार्वजनिक

महानगरीय प्रहरी वृत्त नयाँ वानेश्वरका प्रहरी नायब उपरीक्षक (डीएसपी) दुर्गाराज रेग्मीले भने प्रहरी बालकको खोजीका लागि गम्भीर भएर लागेको दाबी गरे ।

कमेन्ट गर्नुहोस्