थुनुवा फरार हुँदा असईसहित ३ प्रहरी निलम्बित

काठमाडौंः  सिंहदरबार वृत्तबाट थुनुवा फरार प्रकरणमा काठमाडौं परिसरले एसपी अशोक सिंहको नेतृत्वमा एक छानबिन समिति गठन गरी असईसहित तीन प्रहरीलाई निलम्बित गरेको छ।

निलम्बन हुनेमा थुनुवा फरार भएका बेला ड्युटीमा रहेका ड्युटी अफिसर असई भीमबहादुर थापा, हवलदार बोधबहादुर माझी र चन्द्रबहादुर विक छन्। समितिले उनीहरुमाथि अनुसन्धान थालेको छ।

याे पनि पढ्नुस  न्यूयोर्कमा वृद्धमाथि प्रहरीको दुर्व्यवहार, घटनामा संलग्न प्रहरी निलम्बित

समितिका संयोजक एसपी सिंहले ड्युटीमा रहेका प्रहरी दोषी ठहरिए प्रहरी ऐनअनुसार कारबाही हुने बताए। महानगरीय प्रहरी वृत्त सिंहदरबारको हिरासतबाट फरार भएका चार थुनुवामध्ये तीनजना पक्राउ परिसकेका छन्।

महानगरीय प्रहरी परिसर काठमाडौंका डिएसपी होबिन्द्र बोगटीका अनुसार गत शनिबार फरार भएका चोरी मुद्दाका अनिल थापा, सुब्बा लामा र सुकलाल वाइबा पक्राउ गरेका हुन्। डिएसपी बोगटीले फरार मदन तामाङको खोजी भइरहेको बताए।

कमेन्ट गर्नुहोस्