अमेरिकाद्धारा सन्दीपलाई भिसा दिन अस्वीकार

काठमाडौं । अमेरिकी दुतावासले चर्चित क्रिकेटर सन्दीप लामिछानेलाई भिसा दिन इन्कार गरेको छ।

२१ अगस्टबाट सुरु हुन लागेको क्यारेबियन प्रिमियर लिग २०१९ मा सहभागी हुन अमेरिकाका लागि तयारीमा रहेका लामिछाने भिसाका लागि मंगलबार बिहान महाराजगञ्जस्थित अमेरिकी दुतावास गएका थिए।

‘राष्ट्रिय क्रिकेटरको रुपमा सन् २०१६ देखि राष्ट्रिय तथा अन्तराष्ट्रिय लिगमा भाग लिइसकेको क्रिकेटरको भिसा अस्विकार गरिनुले मलाई आश्चर्य लागेको छ,’ सन्दीपले ट्वीट गर्दै भनेका छन्।

‘मैले आवश्यक सम्पूर्ण कागजात बुझाएको थिएँ, तर पनि भिसा अस्विकार गरिँदा म निःशब्द भएको छु’ उनले भने, ‘एउटा खेलाडीका लागि यो कठिन अवस्था हो।’

उनले आफ्नो ट्वीटमा अमेरिकी दूतावास, प्रधानमन्त्री केपी शर्मा ओली, परराष्ट्र मन्त्री प्रदीप ज्ञवाली र हेलो सरकारलाई मेन्सन गर्दै भिसा नपाएको बारेमा जानकारी दिएका छन्।

कमेन्ट गर्नुहोस्