प्रदेश २ का छोरी जन्मिँदै लखपतिः मुख्यमन्त्री राउत

काठमाडौं । प्रदेश २ का मुख्यमन्त्री लालबाबु राउतले प्रदेशअन्तर्गतका आठ जिल्लामा १ माघदेखि जन्मिएका छोरीहरू जन्मिँदै लखपति भएको बताएका छन् । लहान नगरपालिका १९ छरापट्टि गाउँमा बिहीबार साँझ जामिया वरियतुल बनात (कन्या मदर्सा विद्यालय) उद्घाटन गर्दै उनले यस्तो बताएका हुन् ।

समाजमा छोरीलाई हेर्ने दृष्टिकोण बदल्न प्रदेश सरकारले छोरी जन्मिएलगत्तै लखपति बनाउने योजना कार्यान्वयन गरेको उनले स्पष्ट पारे । ‘जसरी आधाभन्दा बढी हिस्सा ओगटेर पनि विभेदमा परेका महिलालाई मूलधारमा नल्याए समाज फेरिँदैन, त्यसैगरी समाज परिवर्तनविना विकास र समृद्धि सम्भव छैन,’ मुख्यमन्त्री राउतले भने, ‘त्यसैले महिलालाई समानताको हक दिलाउन प्रदेश सरकारले छोरीको बिमा, बोटी पढाऊ– बेटी बचाऊ अभियान चलाएको हो ।’

याे पनि पढ्नुस  क्रिकेट संघ प्रदेश २ को नयाँ कार्यसमिति गठन, अध्यक्षमा हिरा भगत

१ माघ ०७५ यता जन्मिएका पाँच हजार छोरीहरूको बिमा गरिसकिएको उनले जानकारी दिए । मुख्यमन्त्री राउतले सामुदायिक विद्यालयमा कक्षा ८ मा पढ्ने छोरीहरूलाई चालू आर्थिक वर्ष ०७६र०७७ मा १४ हजार साइकल वितरण गर्ने योजना रहेको पनि जानकारी दिए । ‘अति विपन्न दलित मुस्लिम छात्राहरूलाई मासिक पाँच सय पढाइ खर्च र आवतजावतबापत तीय सय रुपैयाँ थप रकम दिइने योजना छ,’ उनले ‘त्यसका अतिरिक्त प्रदेशअन्तर्गतका हरेक जिल्ला सदरमुकामममा लोक सेवा तयारी कक्षासमेत सञ्चालन गरिनेछ ।’

याे पनि पढ्नुस  क्रिकेट संघ प्रदेश २ को नयाँ कार्यसमिति गठन, अध्यक्षमा हिरा भगत

प्रदेश सरकारले प्रदेश लोकसेवा विधेयक पारित भइसकेको चर्चा गर्दै मुख्यमन्त्री राउतले त्यसमा महिलालाई ५० प्रतिशत आरक्षण रहेको बताए । प्रदेश संसद्मा विचाराधीन प्रदेश प्रहरी विधेयकमा पनि महिलालाई ५० प्रतिशत आरक्षणको व्यवस्था रहेको उल्लेख गरे । नयाँ पत्रिका दैनिकबाट

कमेन्ट गर्नुहोस्