मन्त्री पण्डितले भने, ‘कम्युनिस्ट गङ्गटो नभई कमिला जस्तो बन्नुपर्छ’

काठमाडौंः  संघीय मामिला तथा सामान्य प्रशासनमन्त्री लालबाबु पण्डितले कम्युनिस्टहरु गङ्गटोजस्तो नभई कमिलोजस्तो हुनुपर्ने बताएका छन् ।

नेकपा बागलुङले शनिबार आयोजना गरेको कार्यकर्ता भेटघाट कार्यक्रममा उनले गङ्गटो र कमिलाको उदाहरण दिँदै कार्यकर्तालाई एकताबद्ध हुन आग्रह गरे ।

मन्त्री पण्डितले भने, ‘गङ्गटोले आफ्नै अभिभावकलाई सिध्याउँछ, कमिलोले एक भएर ठूलो काम गर्छ ।’

कम्युनिस्ट विचार बोकेका मानिसले भीडको पछाडि लाग्ने नभई असल कामको पछाडि लाग्नु पर्ने उनले बताए । ‘सुखी नेपाली, समृद्ध नेपाल भन्ने नारा सरकारको मात्र नभई कम्युनिस्टको पनि भएको उनले स्पष्ट पारे ।

फरक प्रसंगमा उनले स्थानीय तहमा कर्मचारी अभाव छिट्टै हटेर जाने बताए ।

कमेन्ट गर्नुहोस्