नेता नेपाल भन्छन्, ‘पूर्वराजा पुरानो व्यवस्था फेरि फर्काउने सपना देख्दै छन्’

पोखराः  नेपाल कम्युनिस्ट पार्टी (नेकपा) का वरिष्ठ नेता माधवकुमार नेपालले पार्टी विधानविपरीत चल्न थालेको बताएका छन् ।

नेपाल यातायात स्वतन्त्र मजदुर संगठन गन्डकी प्रदेश कमिटीको प्रथम अधिवेशनको शनिबार पोखरामा उद्घाटन गर्दै नेता नेपालले पार्टी चलाउनका लागि विधि र पद्धति निर्माण गर्नुपर्ने बताए ।

एकीकरण टुंग्याउने नाममा जथाभावी कमिटी गठन गरे समस्या निम्तने बताउँदै उनले यस्तो कामले कार्यकर्तालाई निराश बनाउने उल्लेख गरे ।

पूर्व प्रधानमन्त्रीसमेत रहेका नेता नेपालले पूर्वराजा ज्ञानेन्द्र शाहले पुरानो व्यवस्था फेरि फर्काउने सपना देखेर सलबलाउन थालेको भन्दै सजग बन्नसमेत आग्रह गरे ।

उनले नेपालको राजनीतिक आन्दोलनमा मजदुरहरुको ठूलो योगदान रहेको पनि बताए ।

कमेन्ट गर्नुहोस्