पुडासैनी आत्महत्याको छानविनमा सघाउन सिआईबीको टोली चितवनमा

चितवन ।  पत्रकार शालिकराम पुडासैनी आत्महत्या प्रकरणको अनुसन्धानका लागि केन्द्रीय अनुसन्धान ब्युरो (सीआईबी) को टोली चितवन पुगेको छ ।

जिल्ला प्रहरी कार्यालय, चितवनले अनुसन्धान गरिरहेका बेला सीआईबीको टोली पनि पुगेको हो । प्रहरी महानिरीक्षक मातहत रहने सीआईबीले जघन्य प्रकृतिका अपराध अनुसन्धान गर्ने गर्छ ।

याे पनि पढ्नुस  चितवनमा प्रहरी र रवि लामिछानेका समर्थकबीच झडप, प्रहरीद्वारा अश्रुग्याँस प्रहार

सीआईबीबाट प्रहरी उपरीक्षक (एसपी) दिपक रेग्मी नेतृत्वको टोली गएको छ । ब्युरोका एक अधिकृतले भने, ‘यो घटना संवेदनशील भएकाले टोली पठाइएको हो ।’

स्रोतका अनुसार, पुडासैनीको मोबाइलमा भिडियोसँगै थप केही ‘प्रमाण’ पनि भेटिएको छ, जुन विषयमा अनुसन्धान गर्न प्रहरीभित्र छलफल भएको थियो ।

याे पनि पढ्नुस  कप्तान पारस खड्का चितवनमा

पुडासैनीले आत्यहत्या गर्नुपूर्व खिचेको भनिएको भिडियो सार्वजनिक भएपछि काठमाडौं र चितवन प्रहरीको टोलीले टेलिभिजन कार्यक्रम प्रस्तोता रवि लामिछाने, पत्रकार युवराज कँडेल र नर्स अस्मिता कार्कीलाई पक्राउ गरेको थियो । उनीहरुलाई ५ दिन थुनामा राखेर अनुसन्धान गर्न अदालतले अनुमति दिइसकेको छ ।

याे पनि पढ्नुस  रवि लामिछानेसहित तीनै जनालाई आज अदालत पेस गरिने

पत्रकार पुडासैनी २० साउनमा चितवनको नारायणगढ, बसपार्कमा रहेको कंगारु होटलमा झुण्डिएको अवस्थामा भेटिएका थिए ।

कमेन्ट गर्नुहोस्