सुमार्गीको ‘हेलाे नेपाल’को लाइसेन्स खारेज

काठमाडौंः  व्यवसायी अजयराज सुमार्गीको स्वामित्वमा रहेको नेपाल स्याटेलाइट टेलिकमको अनुमतिपत्र रद्द गरिएको छ ।

नेपाल दूर सञ्‍चार प्राधिकरणलाई बक्यौता वापतको नवीकरण दस्तुर करीब ८० करोड रुपैयाँ नबुझाएपछि नेपाल दूरसञ्चार प्राधिकरणले उसको लाइसेन्स खारेज गरेको प्राधिकरणका प्रवक्ता मीनप्रसाद अर्यालले जानकारी दिए ।

याे पनि पढ्नुस  नेपाल स्याटेलाईटकाे लाईसेन्स खारेज, सुमार्गीकाे भाैतिक सम्पत्ति लिलाम गरेर बक्याैता उठाइने

उनले भने, ‘आइतबार बसेको प्राधिकरण बोर्ड बैठक व्यवसायी अजयराज सुमार्गीको स्वामित्वमा रहेको हेलो नेपालको लाइसेन्स खारेज गरेको छ। तीन महिनाको समयसीमामा उसले करीब ८० करोड रकम नबुझाएपछि स्वतः खारेज भएको हो।’

उनका अनुसार कम्पनीले प्राधिकरणलाई बुझाउनुपर्ने रोयल्टी तथा नवीकरण शुल्क बुझाउन जेठ मसान्तसम्‍म अन्तिम समयसीमा र पछि फेरि समय सारेर भदौ १ गतेसम्‍म तोकिएको थियो। तर उक्त समयसीमा नाघेपछि हेल्लो नेपालको लाइसेन्स स्वतः खारेजीमा परेको हो।

याे पनि पढ्नुस  नेपाल स्याटेलाईटकाे लाईसेन्स खारेज, सुमार्गीकाे भाैतिक सम्पत्ति लिलाम गरेर बक्याैता उठाइने

ग्रामीण क्षेत्रमा सेवा सञ्चालन गर्नेगरी लाइसेन्स पाएको कम्पनीले २०६४ फगुनमा लाइसेन्स पाएको थियो। नेपाल स्याटेलाइटले मध्य तथा सुदुरपश्चिममा सेवा दिइरहेको छ। उपत्यका बाहिर सेवा दिँदै आएपछि काठमाडौं प्रवेश गर्न पाउनेगरी लाइसेन्स पाएको कम्पनीले पछिल्लो समय सेवा विस्तारमा खासै लगानी गरेको छैन।

कमेन्ट गर्नुहोस्