शालिकराम आत्महत्या प्रकरणः घटनाको निष्पक्ष छानबिन हुनुपर्छ– सांसद चौधरी

काठमाडौं ।  नेपाल कम्युनिस्ट पार्टी (नेकपा) सांसद शान्ता चौधरीले रवि लामिछाने पक्राउ पछि चितवनमा भएको प्रदर्शनले अनुसन्धानमा नै प्रभाव पार्न सक्ने बताएकी छिन् ।

मंगलबार संसदको बैठकमा उनले चितवनका सडकमा भइरहेका गतिविधिले अनुसन्धान प्रभावित पार्न सक्ने सांसदहरुले बताएका छन् ।

याे पनि पढ्नुस  रवि लामिछाने र युवराज कँडेललाई सफाई

‘को दोषी को निर्दोष भन्ने सवाल चलिरहेको बेला अनुसन्धान प्रभावित बनाउन खोज्ने प्रवृत्ति सही मान्न सकिदैन, ‘यस्तो बेलामा सबै राजनीतिक दल एक ठाउँमा उभिनुपर्छ ।’ उनले भनिन् ।

त्यस्तै उनले चितवनका सडकमा गैरसंवैधानिक नारा सुनिन थालेको भन्दै भनिन्, ‘अहिले चितवनका सडकमा प्रदर्शनका क्रममा गैरसंवैधानिक खालको नारा लाग्न थालेको पनि सुन्न आएको छ । त्यसलाई तुरुन्त नियन्त्रण गर्न नेपाल सरकार लागि परोस्’ उनले भने, ‘राज्यले कुनै पक्षबाट पनि प्रभावित नभइ निष्पक्ष रुपमा छानबिन गर्नुपर्छ ।’

याे पनि पढ्नुस  रवि लामिछानेविरुद्ध फेरी अर्काे मुद्दा, यस्तो छ कारण

बैठकमा नेकपा सांसद हितबहादुर तामाङले पनि चितवनको सडकमा गैरसंवैधानिक खालको नारा लागिरहेको भन्दै सरकारको ध्यानाकर्षण गराए ।

पत्रकार शालिकराम पुडासैनीको आत्महत्यापछि प्रहरीले आत्महत्यालाई दुरुत्साहन अभियोगमा टेलिभिजन प्रस्तोता रवि लामिछाने, युवराज कँडेल र नर्स अस्मिता कार्कीलाई पक्राउ गरेपछि त्यसको विरोधमा चितवनमा नारावाजीसहितको विरोध भइरहेको छ ।

याे पनि पढ्नुस  आत्महत्या अघि श्रीमती र प्रमिलासँग कुराकानी, सीलिङ पंखा भएको होटेल खोजेका थिए पुडासैनीले

कमेन्ट गर्नुहोस्