अचार्य बालकृष्ण गम्भीर रूपमा बिरामी भएर आइसीयुमा

नयाँ दिल्ली, पतंजलि योगपीठका महामंत्री आचार्य बालकृष्ण अचानक अस्वस्थ भएपछि उनलाई ऋषिकेशस्थित अखिल भारतीय आयुर्विज्ञान संस्थान- एम्समा भर्ना गरिएको छ।

आचार्यलाई हृदयघात भएको हुन सक्ने भारतीय समाचार माध्यम ले लेखेका छन् ।

एम्सका चिकित्सा अधिकारी ब्रह्म प्रकाशले आचार्य को स्थिति स्थिर रहेको र उनी कसैलाई चिन्न नसक्ने अवस्थामा रहेको बताएका छन् । उनलाई सामान्य अवस्थामा आउन अझै समय लाग्ने बताइएको छ ।
आचार्य बालकृष्णको स्वास्थस्थिति बुझ्न उत्तराखण्ड सरकारका शिक्षा मन्त्री र विधानसभाका अध्यक्ष लगायत विशिष्ट व्यक्तिहरू अस्पताल पुगेका छन् ।

याे पनि पढ्नुस  किन रद्द भयो आचार्य बालकृष्णको नेपाल भ्रमण?

अस्पताल जारी गरेको हेल्थ बुलेटिनमा आचार्यलाई साँझ पांच बजेतिर अचेत अवस्थामा अस्पताल पुऱ्याइएको थियो । उनलाई २४ घण्टासम्म आइसीयुमा राखेर उपचार गरिने अस्पतालले जनाएको छ ।

अस्पतालले उनका सबै रिपोर्टहरू सामान्य रहेको जनाएको छ । बुलेटिनमा संभवतः उनको खानामा कउनो विषालु पदार्थ मिसिएको हुन सक्ने बताइएको छ । उनको रगतको नमुना फोरेन्सिक जाँचको लागि प्रयोगशाला पठाइएको छ ।

याे पनि पढ्नुस  कोरोनाविरुद्ध लड्न बाबा रामदेवले गरे २५ करोड सहयोग

योगगुरु बाबा रामदेव पनि अस्पतालमैं रहेको बताइएको छ। आचार्य एक जना भक्तले दिएको मिठाई खाए पछि अचेत भएर ढलेको बताइन्छ ।

कमेन्ट गर्नुहोस्