रविसहित तिनैजनालाई अदालत लगियो, सरकारी वकिलले अभियोगपत्र दायर गर्दै

चितवनः पत्रकार शालिकराम पुडासैनी मृत्यु प्रकरणमा अनुसन्धानलका लागि प्रहरी हिरासतमा रहेका टेलिभिजन कार्यक्रम प्रस्तोतारवि लामिछानेसहित तीन जनालाई अदालत लगिएको छ । आज बिहान १० बजे उनिहरुलाई अदालत लगिएको हो । हिरासत मै राखेर अनुसन्धान गर्न अदालतले पुनः पाँच दिन थपेको म्याद आज सकिएको छ । लामिछाने रुद्ध सरकारी वकिलले अभियोग पत्र दायर गर्ने तयारी गरेको स्रोतले जानकारी दियो ।

लामिछानेविरुद्ध अभियोग पत्र दायर गरेसँगै आजदेखि नै सरकारी वकिल र लामिछानेलगायतका वकिलबीच बहस सुरु हुनेछ । यदि आज बहस नसकिए भोलि पनि बहस चल्ने छ । बहस सकिएपछि लामिछाने रिहा हुने–नहुनेबारे निर्णय हुने जिल्ला अदालतका एक न्यायाधीशले जानकारी दिए ।

प्रहरी अब थप म्याद माग्ने पक्षमा नरहेका कारण उनीविरुद्ध सरकारी वकिलले अभियोग पत्र दायर गर्न लागेको जनाइएको छ । पुडासैनी मृत्यु प्रकरणमा लामिछानेसँगै सञ्चारकर्मी युवराज कँडेललाई पानीपोखरीस्थित न्युज २४ कार्यायलबाट प्रहरीले पक्राउ गरेको थियो । भने, रुकु भनिने अस्मिता कार्कीलाई सोही दिन कलंकीबाट पक्राउ गरेको थियो ।

पत्रकार पुडासैनी साउत २० गते नारायणगढस्थित एक होटलमा झुण्डिएको अवस्थामा मृत फेला परेका थिए । आत्महत्या गर्नुअघि पुडासैनीले खिचेको एक भिडियोमा लामिछाने, कँडेल र कार्कीले मर्न बाध्य पारेको बताएका थिए । नारायणाी अनलाइनबाट

कमेन्ट गर्नुहोस्