अमेरिकामा उत्सव सिंहलाई शारीरिक सुगठनमा स्वर्ण पदक

विजय थापा, डिसी । अमेरिकाको टेक्ससमा बस्दै आएका नेपाली मूलका उत्सव सिंहले शारीरिक सुगठनमा स्वर्ण पदक प्राप्त गरेका छन् ।

टेक्सस राज्यको ड्यालसमा बिगत ५ बर्षदेखि बसोबास गर्दै आएका सिंहको पुर्खौली घर बुटवल हो ।

बुटवल उपनगरपालिकाकै रैथाने सिंहले प्रतियोगतामा स्वर्ण पदक प्राप्त गरि नेपाल र नेपालीको नाम राख्न सफल भएकोमा गर्व लागेको बताए ।

याे पनि पढ्नुस  ३५ राष्ट्र सम्मिलित कठीन अभ्यासमा नेपाली सेनाले पायो स्वर्ण पदक

अगस्त २४ मा अमेरिकाको मेरिल्याण्ड राज्यको लरेल शहरमा सम्पन्न एनपीसी क्यापिटल ग्रान्ड प्रिक्स प्रतियोगितामा सिंहलाई स्वर्ण पदक प्राप्त भएको हो। ट्रु नोविस ए मेन्स फिजिक्स श्रेणीमा उनले प्रथम स्थान हासिल गरेका हुन् ।

टेक्सस ड्यालसमै दैनिक अभ्यास गर्ने गरेता पनि प्रतियोगिताको लागि उनि डिसी आएका थिए । दैनिक ६ घण्टा बिहान ३ घण्टा र साँझ ३ घण्टा कसरत गर्ने गरेको सिंहले बताए । नेपालदेखि नै शारीरिक सुगठन प्रतियोगितामा भाग लिँदै आएका सिंहले नेपालमा भएका बिभिन्न प्रतियोगितामा पदक प्राप्त गरेका छन् ।

याे पनि पढ्नुस  धेरै स्वर्ण नेपालको हातमा, साइक्लिङमा रच्यो इतिहास

उनी नेपालमा छँदा ७० केजी तौल समूहमा मिस्टर भक्तपुरमा तेश्रो स्थान प्राप्त गरेका थिए । नेपालमा शारीरिक सुगठनको अन्य खेल खेलेका छन् ।

भक्तपुरमा भएको अर्को प्रतिस्प्रद्धामा मिस्टर बडी बिल्डिंग अफ द यिएरमा दोश्रो र भैरहवामा भएको मिस्टर नेपालमा सहभागी हुँदा आफ्नो तौल समूहमा तेश्रो स्थान समेत भएका थिए ।

कमेन्ट गर्नुहोस्