फरक मत पार्टीभित्र मात्रै छलफल गर्न निर्देशन

फरक मत पार्टीभित्र मात्रै छलफल गर्न निर्देशन

काठमाडौं, नेपाल कम्युनिष्ट पार्टी (नेकपा)ले पार्टीभित्र जनवादी केन्द्रीयतालाई पालना गर्न नेता तथा कार्यकर्तालाई निर्देशन दिएको छ । पार्टीको सचिवालय बैठकले पार्टीभित्र विधि र पद्दतीमार्फत फरक मत राख्न सकिने निर्णय गरेको हो ।

संगठनमा नेता तथा कार्यकर्ताहरुका माझ कतिपय अनसन्तुष्टि र फरक मत रहनु स्वभाविकै हुने तर यसप्रकारका असन्तुष्टिलाई सार्वजनिक बहसको विषय भने बनाउन नपाइने नेकपाले जनाएको छ ।

याे पनि पढ्नुस  दस्तावेज: यस्तो थियो जनयुद्ध शुरु गर्दा माओवादीले जारी गरेको अपील पर्चा

फरक मत या विचार भए सम्बन्धित कमिटि र उपल्लो कमिटिमा त्यसबारे अन्तर्पार्टी छलफल गर्ने निर्देशन दिइएको प्रवक्ता नारायणकाजी श्रेष्ठले बताए ।

सोमबार पार्टी कार्यालय धुम्बाराहीमा बसेको सचिवालय बैठकले यस्तो निर्णय गरेको हो ।

केही दिन अघि नेकपा अध्यक्ष प्रचण्डले पार्टीभित्र अनुशासनको स्तर गिर्दो अवस्थामा रहेको र त्यसलाई सुधार गर्न आवश्यक रहेको अभिव्यक्ति दिएका थिए ।

याे पनि पढ्नुस  चिनियाँ राष्ट्रपतिको भ्रमणबाट नेपालले बहुआयायिक लाभ लिन्छः अध्यक्ष प्रचण्ड

आज प्रचण्डकै पहिलो अध्यक्षतामा बसेको सचिवालय बैठकले पार्टी भित्र अनुशासन कायम नभएको भन्दै त्यसलाई सुधार गर्ने निर्णय गरेको छ ।

पार्टी प्रवत्ता नारायणकाजी श्रेष्ठका अनुसार आजको बैठकले पार्टीको केन्द्रदेखि तलसम्मका नेताहरुले नेताहरुका बारेमा केही कुरा व्यक्तिगतरुपमा उठानु परेमा त्यसलाई पहिला पार्टीभित्र राख्नुपर्ने निर्णय गरेको बताए ।

याे पनि पढ्नुस  ओलीलाई भेट्न प्रचण्ड त्रिवि शिक्षण अस्पतालमा

उनका अनुसार यदि पार्टीभित्रका नेता कार्यकर्तासँग सम्बन्धित असन्तुष्टि पार्टी कमिटीमा नराखी सार्वजनिक रुपमा राखे स्पष्टिकरणको प्रक्रिया अगाडि बढाउने र आवश्यक कारवाहि गरिने निर्णय गरेको छ ।

कमेन्ट गर्नुहोस्