नेपालद्वारा श्रीलंकालाई २४१ रनको लक्ष्य, आशिफको उत्कृष्ट प्रदर्शन

काठमाडौंः  एसीसी यू–१९ एसिया कप खेल्नु अघि श्रीलंकाको एसएससी यू–२३ सँगको पहिलो अभ्यास खेलमा नेपाली युवा टोलीले २४१ रनको लक्ष्य दिएको छ ।

टस हारेर ब्याटिङको मौका पाएको नेपालले निर्धारित ४२ ओभरमा ७ विकेट गुमाएर २४० रन बनायो ।

नेपालका लागि आशिफ शेखले ८८, सन्दीप जोराले ३३, रोहित पौडेलले ८, लोकेश बमले १, रित गौतमले ३१ र पवन सराफले ३० रन बनाए । यस्तै हरि चौहान १८ र भिम सार्की १५ रनमा नट आउट रहे ।

वर्षाको कारण निर्धारित समय भन्दा ढिला सुरु भएको खेल ४२ ओभरमा झारिएको हो ।

सेप्टेम्बर ५ देखि १४ सम्म श्रीलंकामा हुने प्रतियोगिताको लागि नेपाली टिम भदौ ७ गते त्यसतर्फ प्रस्थान गरेको थियो । समूह बी मा रहेको नेपालले टेस्ट राष्ट्र श्रीलंका, बंगलादेश र यूएईसँग खेल्ने छ ।

कमेन्ट गर्नुहोस्