विप्लवका नाममा प्रचण्डबारे भ्रम सिर्जना गर्ने प्रयास

काठमाडौंः  आज मंगलबार अपरान्ह विप्लवको नाम जोडिएको फेसबुक समूहबाट नेकपा अध्यक्ष प्रचण्डका बारेमा भ्रामक सूचना सार्वजनिक गरिएको छ ।

‘विप्लव फ्यान क्लब काठमाडौं’ को नाममा खुलेको फेसबुक ग्रुपमा आज भन्दा केही वर्ष अघिको भिडियो सम्प्रेषण गर्दै प्रचण्डको आलोचना गरिएको भिडियो पछि अन्यले समेत शेयर गर्दा भ्रम सिर्जना भएको थियो ।

३३ दलिय माेर्चाले गरेकाे आन्दोलनका क्रममा प्रहरीसँग भएकाे झडपका बेलाकाे उक्त भिडियो आज नै खिचिएको आशयले स्टाटस लेखिएपछि नेकपा समर्थकहरुले कडा प्रतिवाद गरेका छन् । “प्रचण्डमाथि सांघातिक हमलाकाे प्रयास” भन्दै पाेष्ट गरिएकाे भिडियाे अन्याैलता र भ्रम सिर्जना गर्ने प्रयाेजनले सार्वजनिक गरिएकाे देखिन्छ । प्रचण्ड सचिवालयले समेत यसकाे खण्डन गरेकाे छ ।

पछिल्लो समयमा राजावादिहरुले अध्यक्ष प्रचण्डलाई निशानामा पारेको बेला विप्लव समुहले समेत भ्रम सिरेजना गरि मानमर्दन गर्ने काम गर्नुलाई संयोग मात्र मान्न नसकिने केहिले टिप्पणि गरेका छन् । अहिले उक्त भिडियाे राजावादि, रवि लामिछाने समर्थक र विप्लव निकटका पेज, समूह र व्यक्तिहरुका फेसबुकमा वालमा व्यापक शेयर गरिएकाे छ ।

उक्त समूह विप्लवका कार्यकर्ताले सञ्चालन गरेका हुन या अरु कसैले विप्लवको नाम प्रयोग गरेको हो भन्ने खुल्न सकेको छैन ।

कमेन्ट गर्नुहोस्